Esek. 46:12 - Ebaibul

¹² Ani elemuni ekepukan ainakinet ŋina ka acamit keŋ, kerae ŋina epeyo, kori ŋainakineta ŋuna a ekisil ikwapei ŋuna elemuni iŋes neni ke Ekapolon erae ŋainakineta ŋuna ka acamit keŋ, emaikina toŋaarae epuke ŋolo alo Kide aŋuna a ekepukan, tosodi nai ekepukan inak Ekapolon ainakinet keŋ ŋina epeyo, kori ŋainakineta ŋuna a ekisil lopite ŋolo sek itiyaa iŋes akoloŋit ŋina a Sabato. Ekaku, emaikina iŋes toloma kiŋa, ani keloma iŋes kiŋa, emaikina togoloi epuke ŋol.

Esek. 46:12 Iomraidhean Croise

1 Ŋirw. 3:4

Akoloŋit apei, tolot erwosit Gibeon, anerae arae Gibeon aoya nooi ka neni etopoloritae nooi. Abu Solomon kiwuak Namuroet ŋina ayai nen ŋainakineta apeiliput ŋuna epeyo.

1 Ŋakiro a ŋirwa 29:21

Akoloŋit ŋina atupakini ŋin, apotu inakis ŋamuronisya neni ke Ekapolon. Inakis ŋainakineta ŋuna epeyo neni ke Ekapolon: Ŋimoŋin aliput, ŋimesekin aliput ka ŋikaalei ŋulumesekin aliput kaapei ka ŋainakineta ŋuna alalak ŋuna a ŋimaten kec ta ŋamuronisya ŋace ŋuna alalak aŋuna a Ŋisirael daadaŋ.

2 Ŋakiro a ŋirwa 29:31

Tema nai Esekia, “Idaut tokona iyes akitaleun ŋawat kus aneni ke Ekapolon; toapuutu nai ne, yautu ŋamuronisya ka ŋainakineta ŋuna ka alakara Kai ke Ekapolon.” Yaut nai ŋituŋa ŋamuronisya kec ka ŋainakineta ŋuna ka alakara, ido apotu ŋituŋa daadaŋ ŋulu acamunito alotai kec yaut ŋainakineta ŋuna epeyo.

2 Ŋakiro a ŋirwa 5:6

Apaki ŋin abu erwosit Solomon ka atukot a Ŋisirael daadaŋ ŋina aris kecunakin neni keŋ towua alokiŋaren Asaduku, kisyakis akiar erae ŋamuronisya ŋamesekin ŋuna alalak ŋuna pa emarun ka ŋimoŋin ŋulu alalak ŋulu pa emarun.

Esir 1:4

Emaikina ŋipiya a ŋituŋa daadaŋ, anakiboisyo a daadaŋ a ŋuna iboiyoto ikes, toryamut aneni a ŋituŋa a ŋulu a akibois a ŋina iboiyoto ikes esilipa, egolid, ŋiboro ka ŋibaren pa imaritae ŋainakineta ŋuna elemunete ŋituŋa anacamit kec a ŋilopeyek aŋuna ka Akai ka Akuj alo Yerusalem.’ ”

Esir 3:5

Ekaku, inakis ŋainakineta nu ŋuna sek einanakinio: Ŋainakineta ŋuna epeyo, ŋainakineta ŋuna ke elap a ŋolokitete, ŋainakineta ŋuna sek einanakinio alorwa a ŋulu a ŋasuban a ŋuna ke Ekapolon ka ŋainakineta a ŋinituŋanan a ŋini einakini ainakinet keŋ anacamit keŋ neni ke Ekapolon.

Esir 6:17

Apotu ikes inakis aŋuna ka akitaleunio Akai ka Akuj ŋimoŋin amiat, ŋimesekin ŋamiae ŋaarei, ŋikaalei ŋulumesekin ŋamiae ŋaomwon, ido ikwapei ainakinet aŋuna ka asecit a Ŋisirael a daadaŋ apotu ikes inakis ŋikorwa ŋitomon ka ŋiarei, lokimar ŋolo a ŋikabilae a Ŋisirael.

Esek. 44:1

Abu ekile ŋol ekenyaka ayoŋ, okoya lopuke ŋolo alokiŋa akibois ŋina asegan, ŋolo eŋoliyarit lowae ŋolo alo Kide Akai ka Akuj, agolokino epuke ŋol.

Esek. 44:3

Ekepukan bon ŋolo eyai lokicoloŋ emaikina tolot kiboikin kidiŋ epuke ŋol kimuj alokiŋaren Ekapolon. Emaikina iŋes toloma nen ka tolomu a nen isitiyae epuke ŋolo ka agule a ŋina ke epuke a ŋologolol a ŋol.”

Esek. 45:17

Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Esek. 46:8

Ani elomuni ekepukan nalapatu ŋina alotooma, emaikina iŋes kitoru nagule ŋina a epuke ka ani eboŋori kiŋa, emaikina kitor nenipei.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 23:38

Erae ŋasuban ŋun ŋuna iyatakina nasuban ŋuna a Sabato, a akoloŋit a ŋina ke Ekapolon ka erae ŋainakineta ŋun ŋuna iyatakina nainakineta kus, nainakineta daadaŋ ŋuna idaut iyes akiikin ainakin Ekapolon ka ŋainakineta kus daadaŋ ŋuna itemunete iyes anacamit kus.

Ŋilep. 7:16

Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin,

Ekim. 29:39

Emaikina iyes yaut neni ke Ekapolon ŋainakineta ŋun alorwa a ŋulu a ŋasuban a ŋuna etubunitoe. Emaikina iyes yaut ŋainakineta ŋun kaapei ka ŋainakineta ŋuna ikoŋitotor iyes, ŋainakineta ŋuna ka acamit a ŋinituŋanan ikwapei ŋainakineta ŋuna epeyo, ŋainakineta ŋuna a ŋikinyom, ŋuna a ŋimaten ta ŋainakineta ŋuna ke ekisil.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.