Esek. 45:17 - Ebaibul

¹⁷ Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Esek. 45:17 Iomraidhean Croise

2 Sam. 6:19

Tosodi nai tokorak akimuj lotuŋa daadaŋ. Ŋituŋa a Isirael daadaŋ, ŋaberu ka ŋikilyok, abu ŋinituŋanan toryamu, amugati adio, akiriŋ adio ka ŋaboboryo ŋadi ŋuna erukitoe esibit ŋamugati. Ani irikakin, ŋakiro ŋun daadaŋ, toboŋosi ŋituŋa daadaŋ lorerya kec.

2 Ŋakiro a ŋirwa 30:24

Apotu ŋirwa ŋul kitiyakin, anerae abu erwosit Esekia ŋolo a Yudaya inak ŋituŋa ŋimoŋin aliput ka ŋamesekin ŋalipyo ŋakanikaarei aŋuna a ŋainakineta, apotu ŋikapolok daŋ inakis ŋituŋa ŋimoŋin aliput ka ŋimesekin ŋalipyo ŋatomon. Apotu ŋisacaradotin ŋulu alalak nooi kitaleunos.

2 Ŋakiro a ŋirwa 31:3

Abu erwosit tolemu alobaren keŋ ke elope ŋimoŋin ka ŋimesekin erae ŋainakineta ŋuna epeyo taparacu ka eboŋ, ŋapakio ŋuna a Sabato ka ŋuna elomunia elap ŋolokitete ta ŋapakio ŋace daadaŋ aŋuna a ŋasuban a ŋuna amaikina kitiyae ikwapei igiritere tooma ŋikisila ŋulu ke Ekapolon.

2 Ŋakiro a ŋirwa 5:6

Apaki ŋin abu erwosit Solomon ka atukot a Ŋisirael daadaŋ ŋina aris kecunakin neni keŋ towua alokiŋaren Asaduku, kisyakis akiar erae ŋamuronisya ŋamesekin ŋuna alalak ŋuna pa emarun ka ŋimoŋin ŋulu alalak ŋulu pa emarun.

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Ŋikiru. 22:29

Ilipete neni keŋ ŋikabarak daadaŋ anakwap, ilipete alokiŋaren keŋ daadaŋ ŋulu iridete nai arubakini ayoŋ ayari aŋuna ka Akuj.

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Esek. 43:27

Ani elunyarosi ŋirwa ŋul, edoli ŋirwa ŋikanikauni tomyaa kiŋaren, emaikina ŋisacaradotin yaut ŋainakineta kus ŋuna epeyo, ŋuna a ekisil, Kiwuakis kidiama namuroet. Alimu Ekapolon Akuj atemar, apaki ŋin nai akacamunia ayoŋ iyes Ŋisirael.”

Esek. 45:15

Amesek apei alotooma ŋamesekin ŋamiae ŋaarei a ŋinadakari a Ŋisirael. Emaikina iyes yaut ŋainakineta a ŋuna a ŋikinyom ka a ŋuna a ŋibaren, toruwor ikes ŋainakineta ŋuna epeyo ka ŋuna ekisil, ikotere ikimookunere iyes anasecit kus.

Esek. 46:1

Alimu Ekapolon Akuj nu ebe, “Alotooma ŋirwa ŋikanikapei ŋulu itiyaere, emaikina egolitoe epuke ŋolo elomunere nalapatu ŋina alotooma alowae a ŋolo alo Kide, nai ani edoli akoloŋit ŋina a Sabato, emaikina toŋaarae ka akoloŋit ŋina elomunia elap ŋolokitete, emaikina toŋaarae.

Ŋilep. 4:27

Ani kerae ipei alokidiŋ ŋituŋa ŋuluce daadaŋ eseci pa iredakinit akitiya ŋuna nyecamakinito ŋakiciketa ŋuna ke Ekapolon, esecit iŋes.

Ekim. 29:29

Ani epete ŋirwa ŋikanikapei, emaikina iyes yaut ŋimoŋin ŋikanikauni, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu emam neni eŋwalit ŋulu erae apolou kec ekaru epei.

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

Ŋibur. 13:10

Emam ŋisacaradotin ŋulu itiyaete nakibois ŋina ilipyata Ŋiyudayan apedor ŋinakimujet amuronot apei daŋ ŋina ikiinanakini iwon a Namuroet yok.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.