Esek. 44:7 - Ebaibul

⁷ Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Esek. 44:7 Iomraidhean Croise

Akisy. 17:14

Isapat daadaŋ ŋini nyileŋeritae, eruwor igela alotuŋa keŋ, ido adau akimen acamunet kaŋ ka iyes.”

Awos. 12:43

Tema Ekapolon neni a Moses ka Aron, “Erae nu ŋakiro ŋuna emaikina kiwuapae anasuban a Paska: Mam igelaanot emaikina tonyam ŋasuban a Paska.

Awos. 12:48

Itemokino igelaanot daadaŋ ŋini iboiyete ka iyes ŋini ecamit akitiya ŋasuban ŋun, kileŋer ŋisapa alokal keŋ daadaŋ, tosodi kitiya ŋasuban ŋun esibit ituŋanan ŋini ka akwap kus. Nai nyemaikina ituŋanan ŋini nyileŋeritae enyami ŋasuban ŋun.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 9:25

Kire jik, eponito ŋirwa ŋulu esicania ayoŋ ŋituŋa ŋulu ileŋeritae lu:

Yer. 9:26

Ŋituŋa a Ejipit, a Yudaya, a Edom, Ŋiamoni, ŋituŋa a Moab ka daadaŋ ŋulu iboiyete analoŋisat anakiboisyo a ŋuna alwanak, anerae mam kire jik nyileŋeritae ŋituŋa ŋul daadaŋ ka ŋituŋa a Isirael daŋ mam nyiwuapito acamunet kaŋ.”

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Esek. 7:20

Alonapito kec a ŋulu ebusak, a ŋulu aponiata ikes kiturokinotor, apotu ikes kitiyaut ŋitorubei ŋulu ka asiilyo ka ŋakujo kec ŋuna pa acamit ayoŋ. Aŋun, eturuwori ayoŋ ikes ŋulu itoroniarito ŋiboro ŋulu ebaritotor ikes.

Ŋilep. 17:11

anerae ŋaokot ikes iteyarete ŋinisubuna daadaŋ, ido akainak ayoŋ iyes ŋaokot a ŋisubuna amookunia akiyar kus alokidiama namuroet; erae ŋaokot akiyar ikes emookunere akiyar a ituŋanan.

Ŋilep. 21:17

“Tolimok Aron ebe, ‘Ananyameta a ŋuna eponito, mam ipei daŋ alopapae kon a ŋulu eŋwalit iwadio, ŋini emaikina toapu neni kaŋ, yau akimuj ŋina ka Akuj keŋ.

Ŋilep. 21:21

Nyemaikina ipapait ka Aron ipei daŋ ŋini eyai adio a ŋakiro a ŋun toapu neni ke Ekapolon, yau ainakinet ŋina epeyo neni ke Ekapolon, anerae eya neni keŋ adio a ŋakiro ŋuna imarunitae ŋun, nyemaikina iŋes toapiya neni ke Ekapolon, ya akimuj ŋina ka Akuj keŋ.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 22:25

ido nyicamut ŋibaren ŋulu ikote ŋul eaunete ŋigelaanotin inakis Ekapolon erae akimuj neni ka Akuj kus. Nyecamunio ŋibaren ŋul aŋuna kus, anerae iŋwalitae, ido eyakatar neni eŋwalit.’ ”

Ŋilep. 26:15

ka ani pa kiwuap iyes ŋakiro kaŋ ŋuna atubunit ayoŋ ka kiŋero ŋikisila kaŋ, ido tojoŋoto akiwuapit ŋakiciketa kaŋ daadaŋ, ka toŋero acamunet kaŋ,

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Mal. 1:7

Epite lo iŋes ikijamuwaryata iyes ayoŋ, iyaununete iyes ŋamuja ŋuna nyejokak Namuroet kaŋ, ido ibasi iŋitasi, ‘Alipite ikimyekinia isua akerit iyoŋ?’ Akalimokini, nyikikerito iyes ayoŋ alopite a ŋolo itamyata iyes atemar mam aronis tari pa kekeritae Namuroet ŋina ke Ekapolon.

Mal. 2:4

“Ipedorete nai iyes ayenun atemar akainak ayoŋ iyes akiciket ŋin, ikotere erubakini Acamunet kaŋ ŋina abu ayoŋ ocamunotor ka Lepi.

Mal. 2:8

Nai imyekis iyes ŋuna emaikina kitatama, ido anakitatam kus, irikokis ŋikalalak akitiya aronis. Iŋero iyes Acamunet ŋina abu ayoŋ ocamunotor ka Lepi.

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.