Esek. 44:21 - Ebaibul

²¹ Mam esacaradoti emaikina tomat epiini apaki ŋina elomarya nalapatu ŋina alotooma Akai ka Akuj.

Esek. 44:21 Iomraidhean Croise

Esek. 44:22

Nyemaikina ŋisacaradoti kiita aberu ŋina erae apuserut, kori ŋina aŋerosi ka ekile keŋ, nai emaikina ikes kiita aberu ŋina sek nyiryamakina ka ekile, ŋina erae ŋina alotuŋa a Isirael, kori apuserut ŋina sek arae lokile keŋ esacaradoti.

Ŋilep. 10:9

“Nyemaikina iyoŋ ka ŋidwe kon ŋulusapa apaki ŋina ilomaryata loeema ŋolo ilipere tomata epiini, kori ŋagwe ŋadi ŋuna adwarak. Ani kitiyata ŋun, itwakete. Erae ŋol etal ŋolo a ŋikaru ka ŋikaru tari ananyameta a ŋuna eponito.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

1 Tim. 3:8

Itemokino ŋikeŋarakinitok ŋulu a Ŋikristo daŋ erae ŋulu emaikina tokeritetei ka nyekicaraka ŋaŋajepa; nyitemokino ikes erae ŋulu emataka ŋagwe ŋuna alalak kori ŋulu erorokaka alosiliŋa.

1 Tim. 5:23

Tojoŋo akimat ŋakipi bon, nai tomasi epiini ediocici, ikotere iŋarakini akook kon, anerae idyakana iyoŋ.