Esek. 44:13 - Ebaibul

¹³ Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Esek. 44:13 Iomraidhean Croise

2 Ŋirw. 23:9

Pa aponeneete ŋisacaradotin ŋulu a ŋakujo a ŋuna gelae Namuroet ŋina ke Ekapolon ŋina ayai Yerusalem, emujeneneete ikes aneni a ŋiyeneta kec ŋamugati ŋuna emam ŋakinyalet.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Esek. 16:61

Ŋun nai itamunia iyoŋ ŋakiro ŋuna itiya iyoŋ, ido ikirumete iyoŋ ŋileec apaki ŋina ikinyakakinere iyoŋ nakaato kon ŋina apolon ka ŋinacici. Akainakini ayoŋ iyoŋ ikes erae ŋidwe kon ŋulupesur, nai pa sek arae ŋin apei a ŋakiro a ŋuna ka acamunet kaŋ ka iyoŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 32:20

Earyo ikes kaapei ka ŋulu earyo a ekileŋ. Adaun akipotor Ijipit tomunyarae a ekileŋ; ikamaryo Ijipit ka erikoryo ŋajoresyo keŋ.

Esek. 36:7

Aŋun, alimu tokona Ekapolon Akuj ŋakiro nu ebe, ‘Ekoŋi ayoŋ ekyaarit akan atemar ejamuwaryo ŋakwapin daadaŋ ŋuna idunyatar iyoŋ, eryamunete ikes daŋ ŋican.’

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Ekim. 18:3

Itiyaete ikes ŋiticisyo aŋuna kon ka aŋuna ke eema daadaŋ. Nai nyecamitae ikes etapete ŋiboro ŋulu isitiyao anakibois a ŋina asegan, kori anamuroet, ani ketapa ikes ŋiboro ŋul etwakete kaapei ka iyoŋ.