Esek. 44:12 - Ebaibul

¹² Nai aŋuna aponiata ŋilepi kitiyata etic aŋuna a ŋituŋa alokiŋaren ŋakujo kec, torikosi Ŋisirael nasecit, aŋun adau ayoŋ Ekapolon Akuj akikoŋ ekyaarit akan kaŋ atemar emaikina ikes kisicanae aŋuna ka asecit kec.

Esek. 44:12 Iomraidhean Croise

Ŋikiru. 106:26

Aŋun, abu Akuj kiserau ŋakiro keŋ, kikoŋ neni kec atemar imyekini iyoŋ ikes kirikaros analoŋisat,

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Esek. 20:15

Abu daŋ ayoŋ ekoŋ neni kec analoŋisat olimok atemar nyayauni ayoŋ ikes nakwap ŋina sek aris kakainak iyes, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 20:23

Abu daŋ ayoŋ ekoŋ neni kec analoŋisat, olimok atemar ekeelari ayoŋ iyes lotuŋa a ŋakwapin ka akakorari ayoŋ iyes nakwapin.

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Esek. 44:10

Nai esicani ŋilepi ŋulu apotu kaapei ka ŋituŋa kec Ŋisirael ekemyekis ayoŋ, kilipa neni a ŋakujo.

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Esek. 48:11

Emaikina akibois ŋin erae ŋina a ŋisacaradotin a ŋulu italeunitoe, a ŋulu erae ŋiletok a Sadok a ŋulu apotu eketiyanakis ayoŋ anakikinyoma ka apotu nyimorikin ka Ŋisirael ŋuluce akitiya ŋuna nyiyookino, lopite ŋolo aponiata ŋituŋa a ekabila a Lepi ŋuluce kitiyaata.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 4:9

Ikwaanikinosi iyes daadaŋ ŋisacaradotin ka ŋituŋa ŋuluce; ekesicani ayoŋ iyes daadaŋ aŋuna a ŋakiro a ŋuna iwuapito iyes, ekesicani ayoŋ iyes aŋuna a ŋiticisyo kus.

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Amos 8:7

Ekoŋ Ekapolon ŋolo iturotor Ŋisirael ebe, ‘Kire jik, nyekemuryakini ayoŋ tari epei a ŋiticisyo a ŋulu aronok a ŋulu itiyaete Ŋisirael.