Esek. 43:7 - Ebaibul

⁷ Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Esek. 43:7 Iomraidhean Croise

1 Ŋirw. 8:13

Adau tokona ayoŋ adukokin iyoŋ Akai nooi ŋina ailiilon, akibois ŋina iboiyeneneo iyoŋ ŋikaru ka ŋikaru.”

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

1 Ŋakiro a ŋirwa 28:2

Abu nai erwosit Daudi towo alokiŋaren kec tema, “Topupokinae ayoŋ, ŋikaitotoi kaŋ ka ŋituŋa kaŋ. Ayai lotau kaŋ adukokin Akai ŋina eruwor neni iwuakinio Asaduku ŋina ka Acamunet ke Ekapolon, akibois ŋina eruwor neni icakit Akuj yok, abu ayoŋ etemonok ŋiboro ŋuluduket Akai ŋin.

Ŋikiru. 132:14

Atema, “Ne iŋes eboiyo ayoŋ ŋikaru ka ŋikaru; ne iŋes adau ayoŋ acamun akiboiyo.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 47:8

Akuj iŋes erae Erwosit ŋolo a ŋakwapin; iboi Akuj alokicoloŋ keŋ a ŋolo asegan a ŋolo ipukator.

Ŋikiru. 68:17

Erae ŋagaari ŋuna ka Akuj ŋalipyo ka ŋalipyo; Abu Ekapolon alomoru Sinai nakibois keŋ ŋina asegan.

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Ŋikiru. 99:5

Kipuro Ekapolon Akuj yok; kilipa neni ke Ekapolon alokiŋaren neni ipukator iŋes. Erae iŋes ŋolo Eseg!

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Awos. 29:45

Ayakaun ayoŋ neni eyakasi Ŋisirael, oruwor Akuj kec.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 17:12

“Okoe Akai ka Akuj ŋina erae ekicoloŋ ŋolo ka apolou a Ekapolon, ikitopolooritae iyoŋ ŋinapei anakisyakinet, iyoŋ irae akibois kosi ŋina asegan!

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Esek. 43:9

Emaikina ikes tokona toesikis akilip neni a ŋakujo a ŋace ka kiteekasi anakibois kaŋ ŋawat a ŋirwosi kec, nen nai apedorya ayoŋ akiboikin neni a Ŋisirael ŋikaru ka ŋikaru.”

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Esek. 6:5

Eperikini ayoŋ ŋalyalin a Ŋisirael kiŋaren ŋakujo kec; ido eelak ŋakoyo kus kirimokis ŋamuroeta kidiŋ.

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Akis. 22:3

Emam ibore ŋini icenen aneni ka Akuj ŋini eyakaun lotaun ŋolo apolon. Eyakaun ekicoloŋ ŋolo ka Akuj ka ŋolo a Imesek lotaun ŋolo apolon, ilipete ŋiketiyak keŋ neni keŋ.