Esek. 43:2 - Ebaibul

² eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Esek. 43:2 Iomraidhean Croise

Isa. 17:12

Okoe epupyo ŋitoilon a ŋituŋa a ŋulu alalak, irurumaete ikes lopite ŋolo irurumaata ŋakipi ananam! Okoe epupyo akiruruma a ŋakwapin, irurumaete ikes lopite ŋolo irurumaata ŋakipi ŋuna alalak nooi!

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Esek. 1:24

Ani erotokinete ŋisubuna ŋul, abu ayoŋ eira eruye a ŋabebenuk kec ŋolo arwo ikwa ŋakipi ŋuna ipumasi, kori ikwa etoil ŋolo ka Akuj a ŋina Etiron, kori ikwa ŋitoilon a ŋasigarya a ŋuna alalak nooi a ŋuna esurur. Ani ewoete ikes, totiyaut ŋabebenuk kwap.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Esek. 10:4

Abu nai akica ŋina ka Akuj tolomu aneni a ŋisubuna a ŋulu a ŋabebenuk, min lopuke ŋolo ka Akai ka Akuj; kilelebun edou Kai ka Akuj ka kilelebun akwaŋis ŋina ka akica a Ekapolon nalapatu ŋina ka Akai ka Akuj.

Esek. 11:22

Apotu nai ŋisubuna ŋulu a ŋabebenuk ŋul toporosi ka apotu ŋiboorei ŋulu ekwaan ka ŋakejen a agaari torukosi ka ikes. Toyakaun akica ŋina ka ayau a Akuj a Isirael kidiama kec.

Esek. 11:23

Kikyaar nai alokidiŋ etaun akica ŋina ka ayakau a Ekapolon, min kidiama emukura ŋolo eyai Kide etaun.

Esek. 3:23

Abu nai ayoŋ onyou a nen, otiyaar nakadipaalat, abu akica ŋina ke Ekapolon toyakaun nakadipaalat, ekwaan akica ŋin ka ŋina sek eŋolikinit ayoŋ anaŋolol Kebar. Abu ayoŋ oper obuburiyar.

Esek. 43:4

Ani elomari akica ŋina a Ekapolon Kai ka Akuj alopuke a ŋolo eŋoliyarit lowae ŋolo alo Kide,

Esek. 44:2

Abu Ekapolon tema neni kaŋ, “Emaikina epuke lo torubak egolokino, nyemaikina toŋaarae, mam ituŋanan ecamakinitae kitor nen. Emaikina iŋes torubak egolokino, anerae alomu alopuke a ŋol Ekapolon Akuj a Isirael.

Esek. 9:3

Apaki ŋin, aris akica ŋina ka ayakau a Akuj a Ŋisirael kelot kidiama ŋisubuna ŋulu a ŋabebenuk neni sek ayai, aris kelot lopuke ŋolo ka Akai ka Akuj. Abu nai Ekapolon tonyara ekile ŋolo anapit ŋilowi ŋulu amilimilak toyakar nawae keŋ ibore ŋini aya ŋiboro ŋulukigiret;

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Abak. 3:3

Ebunit Akuj nabo alo Teman, ebunit Akuj ŋina Asegan alomoru Paran. Ileleba ailiil nakuj, ido ileleba nakwap akipuro iŋes.

Abak. 3:4

Ikoni akwaŋis a akica keŋ ŋina ka akoloŋ; eponito ŋikoi a akica anakan keŋ, aneni eyai apedor keŋ ŋina imunono.

Yoa. 12:41

Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ.

Akis. 1:15

Acayete ŋakejen keŋ ikwa asuwat ŋina epwasitae ka erurumae etoil keŋ ikwa ŋakipi ŋuna ipumasi.

Akis. 14:2

Abu eira etoil anakuj ŋolo arwo ikwa ŋakipi ŋuna eremuno anakope, ekwaan eruye ka ŋolo ka agirokinet a ŋina ireta. Arwo ikwa ŋaduŋgui eeotor ŋikaeok.

Akis. 18:1

Kelunyarosi ŋun, abu oanyuwa emalaika ece ebuni anakuj. Ayakar iŋes apolou nooi, kinuak akica keŋ akwap daadaŋ.

Akis. 19:1

Kedaunosi ŋun, abu eira ebunit anakuj etoil ŋolo apol, ŋolo asibit ŋolo a ŋituŋa a ŋulu alalak ebala, “Alleluia! Aiuno, apolou ka apedor erae ŋulu ka Akuj yok!

Akis. 19:6

Abu eira etoil ŋolo asibit ŋolo a ŋituŋa a ŋulu alalak, ŋolo asibit ŋolo a ŋakipi a ŋuna eremuno anakope, ŋolo asibit ŋolo ka agirokinet a ŋina ireta. Eira ikes ebasi, “Alleluia! Anerae erae Ekapolon Akuj yok ŋina etiron, Erwosit!

Akis. 21:11

tocai aŋuna ka akica a ŋina ka Akuj. Tocai etaun ŋol ikwa amoru ŋina epol egyelit, ikwa Yaspa, kileereu ikwa ŋakalilii.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.