Esek. 43:11 - Ebaibul

¹¹ Ekaku kiruma ikes ŋileec anakiro a daadaŋ a ŋuna etiyata ikes, emaikina iyoŋ kiteyenik ikes epite ŋolo itamitere Akai ka Akuj, ibore ŋini emaikina todukokinae nen, ŋirotin ŋulu emaikina eya nen, ŋipukei ŋulu emaikina eya nen ka ibore daadaŋ ŋini emaikina eyai enen; kiteyenik ikes ŋakiro daadaŋ ŋuna adau Akuj atubun aŋuna a Akai a ŋin kaapei ka ŋikisila ŋulu iwuapitae a nen. Kigir ŋakiro ŋun daadaŋ alokiŋaren kec, ikotere ikes eruwor ŋulu iwuapete epite ŋolo itamitere Akai ŋin ka ŋulu iwuapete ŋakiro daadaŋ ŋuna adau Akuj atubun aŋuna a Akai a ŋin.

Esek. 43:11 Iomraidhean Croise

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 12:3

Aŋun, lokoku a ituŋanan, kitemonok ŋiboro kon ikwapei ituŋanan ŋini ikiritaritae iwace, ido emaikina torotok eriŋa akoloŋ nyedoiyoro ka ikiteete iyoŋ ŋituŋa. Emaikina iyoŋ torotok anakibois kon tolot nakibois ace ikoni ituŋanan ŋini iritaritae anakibois keŋ. Acepaki eyenunete ikes ŋuna ikitorotokis iyoŋ tari daŋ kerae ikes ŋituŋa ŋulu nyiwuapito ŋuna abala ayoŋ.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 43:10

Torubak Ekapolon irworo ebala, “Lokoku a ituŋanan, tolimok Ŋisirael ŋakiro a Akai ka Akuj, kimyek ikes kitama ka kipima. Kisirum ikes ŋileec anakiro a ŋuna ka asecit a ŋuna itiyaete ikes.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 13:17

Ani kiyenete iyes nu, irereŋ iyes erae kitiyata nu.

1 Ŋikor. 11:2

Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes.

Ŋibur. 8:5

Etic ŋolo eraakatar ikes ŋisacaradotin erae akituput ka erae daŋ etorube a ŋuna itiyao anakuj. Ikwaan ŋakiro ŋun ka ŋuna a Moses. Ani eapuuni iŋes adukokin eema ŋolo ka Acamunet, tolimok Akuj iŋes tema, “Kitiya ibore daadaŋ lopite ŋolo ikitoodikinitere iyoŋ alomoru.”