Esek. 42:14 - Ebaibul

¹⁴ Ani elomarete ŋisacaradotin nakibois ŋina asegan, nyemaikina ikes tolomasi a nen nalapatu ŋina alokiŋa pa elacakinito nakibois ŋina asegan ŋilowi ŋulu itiyaata ikes anakibois a ŋina asegan, anerae erae ŋilowi ŋul ŋulu asegak. Emaikina ŋisacaradotin tonapa ŋilowi ŋice eriŋa ikes nyeapiyara neni eyakasi ŋituŋa.”

Esek. 42:14 Iomraidhean Croise

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Esek. 44:1

Abu ekile ŋol ekenyaka ayoŋ, okoya lopuke ŋolo alokiŋa akibois ŋina asegan, ŋolo eŋoliyarit lowae ŋolo alo Kide Akai ka Akuj, agolokino epuke ŋol.

Esek. 44:19

Ani elomarete ikes nalapatu ŋina alokiŋa Akai ka Akuj, nalapatu ŋina ayakaunun ŋituŋa ŋuluce, amaikina ikes tolacasi ŋilowi ŋulu sek etiyata alotooma, tolacakis nagulei ŋuna etaleunitoe, ido tonapa ŋilowi ŋice, ikotere ikes nyeya akitaleuno alolowi kec neni a ŋituŋa.

Ŋilep. 16:23

“Ani kedau Aron ŋun, emaikina toloma loeema ŋolo ilipere, tolaca ŋilowi ŋulu amilimilak, ŋulu abu iŋes tonap elomari nakibois ŋina Asegan nooi, ido emaikina kimyek iŋes ŋilowi ŋul a nen.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ŋilep. 8:13

Yau nai ŋidwe ka Aron ŋulusapa kiŋaren, kitanapik ŋisatyo, ŋarokobae ka ŋakopiyae, lopite ŋolo ecikitor Ekapolon iŋes.

Ŋilep. 8:7

Kitanapik Moses Aron esati, toenik arokoba nacir ka Aron, kitanapik ekaaso, ido kitanapik arapet, kimijak arapet nacir ka Aron a arokoba a ŋina adonyunitoe isibusitae ejok nooi.

Luk. 9:62

Tolimok Yesu iŋes tema, “Ituŋanan daadaŋ ŋini ani ketikaki ŋakeekan lomeleku, torubak nabo iŋoliyanari kaku, nyitemokino aŋuna ka Apukan ka Akuj.”

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋigal. 3:27

Aponi iyes ikibatisae tooma nakimorikina ka Kristo ka tokona inapito iyes ŋipitesyo ŋulu a Kristo.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”