Esek. 41:4 - Ebaibul

⁴ Abu iŋes kipim aoyau a agule a ŋin alosepyon, toryamu eriyan ŋiwaetin daadaŋ erae ŋimitae ŋitomon. Ayai agule ŋin yaye ŋina alokidiŋ ameun alopuke. Tema nai ekile ŋol neni kaŋ, “Erae Akibois na ŋina Asegan Nooi.”

Esek. 41:4 Iomraidhean Croise

1 Ŋirw. 6:16

Topaka iŋes agule kwap Kai. Arae aoyau a agule a ŋin alokwap tari kidiama ŋimitae ŋikanikaomwon. Apakaritae agule ŋin a ŋakito a ŋuna a Cedar. Abu iŋes todukok agule ŋin tooma Akai ka Akuj erae akibois ŋina asegan ka akibois ŋina asegan nooi.

1 Ŋirw. 6:20

Arae alolomu alosepyon a akibois a ŋina asegan a ŋin ŋimitae ŋikanikaomwon, ido anakou ka neni eteotor arae ŋimitae ŋikanikaomwon, torae aoyau alokwap tari kidiama ŋimitae ŋikanikaomwon. Esibusit Solomon nen a egolid bon. Enapinapit daŋ iŋes ŋakito a Cedar Namuroet.

1 Ŋirw. 6:5

Todukok aduketait ace diyete arwatata ka Akai a ŋin a daadaŋ kisiryam, alosepyon ka alokaku, min tooma aduketait ŋin akibois ŋina asegan ka akibois ŋina asegan nooi. Kiwuanak ŋagulei naduketait ŋin kiryam.

1 Ŋirw. 7:50

kitiyau a egolid ŋiboro lu: ŋikopoi, ŋasuwa ŋuna kituduŋeet ŋitaae, ŋabapwa, ŋabakulei ŋuna ke ekinyate ka ŋikalaae ŋulu edakere ŋatotol ŋuna enokete. Kitiyau a egolid ŋipetae a ŋipukei a ŋulu a akibois a ŋina Asegan ka ŋulu a ŋipukei a akibois a ŋina Asegan nooi ta ŋulu a ŋipukei a Namuroet alo Kai ka Akuj.

1 Ŋirw. 8:6

Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

2 Ŋakiro a ŋirwa 3:8

Todukok Solomon akibois ŋina asegan nooi, eriyan aoyau keŋ alosepyon ka aoyau ŋina ka Akai ka Akuj alokiŋaren ka neni iteotor. Arae aoyau alosepyon ka agule a ŋin alotooma ŋimitae ŋikanikaomwon, alokiŋaren ka neni iteotor, arae ŋimitae ŋikanikaomwon. Kidelesik iŋes tooma agule ŋin egolid ŋolo ajokan ŋolo arae apotis keŋ ŋakiloi ŋalipyo ŋaarei ka amiat.

2 Ŋakiro a ŋirwa 5:7

Ani irikakin, todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a ŋisubuna ŋulu a ŋabebenuk.

Esek. 41:23

Ayakasi ŋagolyeta ŋaarei lopuke ŋolo a agule a ŋina esyaunan elomaryo Kai ka Akuj ka lopuke ŋolo a akibois a ŋina Asegan Nooi.

Akis. 21:16

Ariyan ŋarwatatain ŋunaomwon ŋuna ke etaun a daadaŋ. Kipim emalaika etaun ŋolo apolon ŋol a ebela a ŋolo kipimet, erae aoyau keŋ ŋakilomitae ŋalipyo ŋaarei ka ŋamiae ŋaomwon alowaetin ka kidiama ta kwap.