Esek. 41:15 - Ebaibul

¹⁵ Abu daŋ ekile ŋol kipim aoyau a Akai a ŋina ayai To Akai ka Akuj, kipim kaapei ka neni etoreeneneo anawaetin a akai a ŋin, toryamu erae neni daŋ ŋimitae ŋatomonikan. Akisyakin alopuke a ŋolo elomarere nagule ŋina esyaunan alo Kai ka Akuj, tomyaa nagule ŋina Asegan (iŋes ŋina alokidiŋ) ka nagule ŋina Asegan nooi,

Esek. 41:15 Iomraidhean Croise

Eete a Ŋie. 1:17

Erae amina yok ŋina egogoŋ ikwa ŋakito a Cedar, kori ikwa ŋakito a Cipres.

Eete a Ŋie. 7:5

Ikisibusit iyoŋ akou kon, lopite ŋolo isibusitor emoru Karimel akwap, ikwaan ŋitim kon ka ausi ŋina kipurat-areŋan, ikitisibito iyoŋ nakoku a erwosit.

Esek. 41:12

Alowae a ŋololapat alo Kuju Akai ka Akuj, ayai akai ŋina eteosi ka Akai ka Akuj, arae aoyau a akai a ŋin alosepyon ŋimitae ŋatomoniomwon ka ŋikan, torae alokiŋaren ka neni iteor ŋimitae ŋatomoniuni ka ŋikan. Arae abutur a ŋarwatatain keŋ alowaetin a daadaŋ ŋimitae ŋiarei ka atutubet.

Esek. 41:13

Abu ekile ŋol kipim Akai ka Akuj, toryamu aoyau alosepyon erae ŋimitae ŋatomonikan. Abu daŋ kipim ameun alokaku Akai ka Akuj kitor nenilapat alo Kai ka Akuj tomyaa To nakisalet aduketait, toryamu neni daŋ erae ŋimitae ŋatomonikan.

Esek. 41:14

Ameun alokiŋaren Akai ka Akuj, kitor nenilapat alo Kai ka Akuj, tomyaa lowae ŋoloce, arae neni daŋ ŋimitae ŋatomonikan.

Esek. 41:16

apesitae nen daadaŋ ŋakito ŋuna adolito tari lodirisae a ŋagulei a ŋun. Emuleleiyaritae ŋidirisae a ŋagulei a ŋun.

Esek. 41:17

Emuleleiyaritae ŋarwatatain a Akai ka Akuj alotooma ameun alokwap tari kidiama ŋipukei,

Esek. 42:1

Abu nai ekile ŋol okoya ayoŋ nalapatu ŋina alo kiŋa ŋina ayai lowae ŋolo alo Kuju. Okoya ayoŋ nagulei ŋuna eteosi ka alapatu ŋina ka Akai ka Akuj ka eteosi alapatu ŋin ka aduketait ŋina ayai lowae ŋolo alo Kuju.

Esek. 42:10

arae lopuke ŋolo ayai nen esyakinitor arwatata ŋina ka alapatu. Alowae a ŋolo alo Kwap Akai ka Akuj daŋ aneni eteosi ka alapatu ka aneni eteosi ka akai ŋina ayai lowae ŋolo alo To Akai ka Akuj, ayakasi ŋagulei.

Esek. 42:15

Ani kedau ekile ŋol akipim ibore daadaŋ ŋini ayai tooma arwatata ŋina ka Akai ka Akuj, abu okoya ayoŋ kiŋa, eketoryo lopuke ŋolo eŋoliyarit lowae ŋolo alo Kide, ido kipim alokiŋa arwatata daadaŋ ŋina ka Akai ka Akuj kiryam cib.

Esek. 42:3

Alowae a ŋolo eŋoliyarit Kai ka Akuj, arae aduketait ŋin ŋimitae ŋitomon, eŋoliyarit ewae aduketait a ŋin ŋoloce neni enaminamitae ŋamoru analapatu a ŋina alokiŋa. Ayakasi naduketait ŋin ŋagulei ŋuna adukitoe idokitoe a ŋauniuni ameun alokwap tari kidiama.

Esek. 42:5

Adidiŋ ŋagulei ŋuna alokidiama akilo ŋuna alokidiŋ ka ŋuna alokwap, anerae alalak ŋirotin ŋulu etoreeneneo edoli nagulei ŋuna alokidiama.

Sakar 3:7

“Ŋakiro ŋuna ebala Ekapolon ŋolo Etiron ikes nu ebe, ‘Ani kiwuap iyoŋ ŋikisila kaŋ, ido kitiya ŋiticisyo ŋulu akainak ayoŋ iyoŋ, ipedori iyoŋ apolokin akai kaŋ ka ŋalapatui ŋuna alo kiŋa akai kaŋ, akainakini ayoŋ iyoŋ apedor ŋina irukyoto kaapei ka ŋulu ewuasi a ne.