Esek. 40:5 - Ebaibul

⁵ Apaki ŋin, abu ayoŋ eŋolik arwatata iryamit akibois ŋina ayai Akai ka Akuj. Arae aoyau a eoot a ŋolokipimet a ŋolo ayai nakan a ekile a ŋol ŋimitae ŋiuni. Abu ekile ŋol kipim arwatata, toryamu aoyau alokwap tari kidiama erae ŋimitae ŋiuni ka toryamu abutur a arwatata erae ŋimitae ŋiuni.

Esek. 40:5 Iomraidhean Croise

Ŋikiru. 125:2

Lopite ŋolo irimokinitotor ŋimoru Yerusalem, irimokinit Ekapolon ŋituŋa keŋ kidiŋ tokona ka ŋikaru ka ŋikaru.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 60:18

Nyiiraryo nabo ŋuna ka aryenyeo anakwap kus, kori ŋinyas ka amunyoro alokukoryo ka akwap kus. Enyarao iyes ŋarwatatain kus ŋuna ikiunete ka enyarao iyes ŋipukei kus ŋulu ka akipuro.

Esek. 41:8

Abu daŋ ayoŋ eŋolik atemar ayai Kai ka Akuj neni amukur diyete ŋarwatatain; arae aoyau aneni esyakinitere adukunio ŋarwatatain aŋagulei a ŋuna ayakasi nen ŋimitae ŋiuni.

Esek. 42:15

Ani kedau ekile ŋol akipim ibore daadaŋ ŋini ayai tooma arwatata ŋina ka Akai ka Akuj, abu okoya ayoŋ kiŋa, eketoryo lopuke ŋolo eŋoliyarit lowae ŋolo alo Kide, ido kipim alokiŋa arwatata daadaŋ ŋina ka Akai ka Akuj kiryam cib.

Esek. 42:20

Abu iŋes kipim ŋiwaetin ŋuluomwon daadaŋ ŋulu ka arwatata a ŋina ka Akai ka Akuj. Eryamit arwatata ŋin nen cib, arae aoyau arwatata a ŋin alosepyon ŋimitae ŋamiae ŋaarei ka ŋatomonikan ka arae anakou ka neni iteotor ŋimitae ŋamiae ŋaarei ka ŋatomonikan. Adukitoe arwatata ŋin nen aŋuna ka atyakarya ŋulu asegak aneni a ŋulu nyesegak.

Esek. 43:13

“Arae lo epite ŋolo epimitere namuroet isitiyatae akipimet ŋina sek epimere Akai ka Akuj. Ayai nakisyakinet a namuroet neni arae akitelosit ŋina elelyaa ibore ŋini aliwan, arae acukul keŋ ŋisentimitae ŋatomonikan ka arae alolomu keŋ ŋisentimitae ŋatomonikan, toyai akituk ŋina arae ŋisentimitae ŋatomonikan ka ŋikan. Emaikina namuroet ŋin erae aoyau keŋ na:

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Ŋikis. 3:11

(Erwosit Og bon edoŋit eyari aneni a Ŋirepaim. Ŋuna ileerete ikes nu, tari tokona eyai ekitaada keŋ ŋolo etiyaunitae a ŋasuwa Raba lotaun ŋolo a Ŋiamoni. Erae aoyau ke ekitaada keŋ ŋimitae ŋiomwon ka erae alalau keŋ ŋimitae ŋiarei.)

Akis. 21:12

Ayakar iŋes arwatata ŋina apolon ŋina aoyan, ŋina a ŋipidiŋa a ŋitomon ka ŋiarei ka ŋimalaikan ŋitomon ka ŋiarei ŋulu eyokiyete ŋolopidiŋ. Egiritae lopidiŋa ŋul ŋirorwa ŋulu a ŋikabilae a ŋulutomon ka ŋiarei a ŋulu a Isirael.