Esek. 40:46 - Ebaibul

⁴⁶ tosodi agule ŋina iŋoliyarit lowae ŋolo alo Kuju, erae ŋina a ŋisacaradotin a ŋulu erae etic kec akiyok namuroet. Erae ŋisacaradotin ŋul ŋidwe a Sadok ŋulusapa ŋulu erae ikes bon ecamakinitae aloletok a Lepi aponare akitiya etic alokiŋaren Ekapolon.

Esek. 40:46 Iomraidhean Croise

1 Ŋirw. 2:35

Kitopoloo nai erwosit Benaia lokoku a Yekoiyada kilunyokin lorot a Yoab aruwor ekarikon ajore. Kilunyok erwosit esacaradoti Sadok neni ka Abiasar.

Esek. 40:17

Abu nai ekile ŋol okoya ayoŋ nalapatu ŋina ayai kiŋa; abu ayoŋ eŋolik a nen ŋagulei ŋatomoniuni ŋuna adukonokinitae narwatata alokiŋa, kiŋaren ŋagulei ŋun, ayai akibois ŋina enaminamitae ŋamoru.

Esek. 40:38

Tooma agule ŋina ayai lopuke ŋol, ayai agule ace ŋina ayai epuke, arae nagule ŋin elosere ŋainakineta ŋuna epeyo.

Esek. 42:13

Tema ekile ŋol neni kaŋ, “Erae ŋagulei ŋuna alo Kuju ka ŋuna alo Kwap, ŋuna iteosi ka alapatu ŋuna asegak, erae ŋuna enyamyata ŋisacaradotin ŋulu elosete akiryamun ke Ekapolon ŋainakineta ŋuna asegak. Emaikina ikes kiwuanakinete ŋainakineta ŋuna asegak nen, ikwapei ŋainakineta ŋuna a ŋikinyom, ŋainakineta ŋuna a ka asecit ka ŋuna ka akiilit anasecit; anerae erae ŋagulei ŋun ŋuna asegak.

Esek. 43:19

Ŋisacaradotin ŋulu alokabila a Lepi ŋulu erae ŋiletok a Sadok bon emaikina potu kiŋaren kaŋ akitiya etic kaŋ, ayoŋ Ekapolon Akuj ekecik iyoŋ ŋun. Emaikina iyoŋ inak ikes emoŋ ŋolosorokit yaut ikes neni kaŋ erae ainakinet ŋina ka asecit kec.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Esek. 45:4

Eruwor nen akibois ŋina eseg anakwap a Ŋisirael ka eruwor akibois a ŋisacaradotin a ŋulu itiyaete etic a Ekapolon anakibois keŋ a ŋina asegan, a ŋulu eapiyanarete kiŋaren Ekapolon akitiyanakin iŋes. Eruwor nen neni edukio ŋakais a ŋisacaradotin ka akibois ŋina asegan.

Esek. 48:11

Emaikina akibois ŋin erae ŋina a ŋisacaradotin a ŋulu italeunitoe, a ŋulu erae ŋiletok a Sadok a ŋulu apotu eketiyanakis ayoŋ anakikinyoma ka apotu nyimorikin ka Ŋisirael ŋuluce akitiya ŋuna nyiyookino, lopite ŋolo aponiata ŋituŋa a ekabila a Lepi ŋuluce kitiyaata.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 6:2

“Ani kesec ituŋanan idio alokidiŋ kus aneni ke Ekapolon; tomodiya ekidunyet keŋ ibore ŋini icikakinitae iŋes aŋuna ke edeni, kori todema ekidunyet keŋ ibore keŋ, kori tomodiya,

Ŋilep. 6:6

Nai ikwapei akisicanet; emaikina iŋes ya neni ke esacaradoti ainakinet aŋuna ka asecit keŋ neni ke Ekapolon emesek ŋolo ajokan, ŋolo emam neni eŋwalit, ŋolo ke esipan keŋ, kori ibore ŋini ke etyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan.

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 18:5

Iyes ŋikulepek itiyaete ŋiticisyo anakibois a ŋina asegan ka anamuroet ikotere nyeyakaun nabo anyunyura neni a Ŋisirael.

Ŋiep. 2:13

Ilwaka paaran sek iyes aneni ka Akuj, nai aŋuna tokona iyakatar nakimorikina ka Kristo, adaun akitapuun iyes neni ka Akuj aŋuna a ŋaokot a Kristo, aŋuna aponi tobukoroe alomusalaba.