Esek. 40:21 - Ebaibul

²¹ Ayakasi ŋolowae a epuke a ŋol ŋagulei ŋauni ŋuna eteere epuke ŋol; eriyan ciribib ŋarwatatain ŋuna aya kidiŋ kec ka eriyan agule ŋina ayai lopuke ŋol ka ŋina ayai lopuke ŋolo eŋoliyarit lowae ŋolo alo Kide. Arae aoyau a epuke alosepyon ŋimitae ŋatomoniarei ka ŋikan ka aoyau a epeiwae tari ŋoloce arae ŋimitae ŋitomon ka ŋiarei ka atutubet.

Esek. 40:21 Iomraidhean Croise

Esek. 40:24

Abu nai ekile ŋol okoriko ayoŋ lowae ŋolo alo Kwap Akai ka Akuj; abu ayoŋ eŋolik a nen epuke ŋolo eŋoliyarit lowae ŋolo alo Kwap. Abu ekile ŋol kipim ŋipirin a epuke a ŋol ka agule ŋina ayai lopuke ŋol, toryamu eriyan ŋimitae ka ŋulu a aris iŋes epim.

Esek. 40:33

Epimitae ŋagulei ŋuna eteere epuke ŋol kaapei ka agule ŋina ayai lopuke ŋol eriyan ka ŋuna aŋipukei a ŋuluce. Epimitae ŋipirin ŋulu ayakasi lopuke ŋol eriyan ka ŋulu ayakasi lopukei ŋuluce. Ayakasi lopuke ŋol ka nagule ŋina ayai nen ŋidirisae ŋiwaetin daadaŋ; arae aoyau a epuke a ŋol ameun alokwap tari kidiama ŋimitae ŋatomoniarei ka ŋikan ka ameun alowae ke epei tari ŋoloce arae ŋimitae ŋitomon ka ŋiarei ka atutubet.

Esek. 40:34

Eŋoliyarit agule a epuke a ŋol nalapatu ŋina alokiŋa, ayakasi ŋitorubei a ŋiŋolya lopirin a agule a ŋin, ayakasi ŋadoketa ŋakanikauni lopuke ŋol.