Esek. 40:17 - Ebaibul

¹⁷ Abu nai ekile ŋol okoya ayoŋ nalapatu ŋina ayai kiŋa; abu ayoŋ eŋolik a nen ŋagulei ŋatomoniuni ŋuna adukonokinitae narwatata alokiŋa, kiŋaren ŋagulei ŋun, ayai akibois ŋina enaminamitae ŋamoru.

Esek. 40:17 Iomraidhean Croise

1 Ŋirw. 6:5

Todukok aduketait ace diyete arwatata ka Akai a ŋin a daadaŋ kisiryam, alosepyon ka alokaku, min tooma aduketait ŋin akibois ŋina asegan ka akibois ŋina asegan nooi. Kiwuanak ŋagulei naduketait ŋin kiryam.

2 Ŋirw. 23:11

Tolema iŋes ŋitorubei a ŋaŋolei ŋulu sek etowoikinito ŋirwosi a Yudaya lokek ŋolo ka Akai ka Akuj, ŋuna etaleoritae neni ka akoloŋ, torae alodiyete akai ŋina a ekolup a ŋolo anyaritae Nasan Melek, akai ŋina ayai narwatata. Kicunyak iŋes ŋagaari ŋuna elipere akoloŋ.

1 Ŋakiro a ŋirwa 23:28

ido akoranakinio ŋiticisyo lu: Akiŋaranakin ŋisacaradotin ŋulu arae ŋipapae ka Aron apaki ŋina ilipere alo Kai ka Akuj, akiyokit ŋagulei ka ŋalapatui ŋuna ka Akai ka Akuj, akitaleunun ŋiboro daadaŋ ŋulu asegak alo Kai ka Akuj ka akitiya etic daadaŋ ŋolo iitana alo Kai ka Akuj;

1 Ŋakiro a ŋirwa 9:26

Nai ayakasi ŋilepi ŋiomwon, alotooma ŋikedarak ŋipukei ŋul, ŋulu ecikakinitae akitere ŋagulei ka neni eŋadao ebari alo Kai ka Akuj.

2 Ŋakiro a ŋirwa 31:11

Tolimu nai Esekia atemar kitemokinoe alo Kai ka Akuj ŋagulei ŋuna iŋadao akimuj, ido aponi kitemokinoe.

Awos. 27:9

“Kitiyak kiŋa Eema ŋolo iryamununoi ŋol neni elapat. Kiwuak lowae ŋolo alo Kwap nenilapat nen ŋanaŋgae ŋuna amilimilak ŋuna edonyuno ejok; torae aoyau kec alosepyon ŋimitae ŋatomoniomwon ka ŋiomwon.

Esek. 10:5

Apaki ŋin, apedoritae akiirar eruye a ŋabebenuk a ŋisubuna ŋulu a ŋabebenuk tari iyai nalapatu ŋina alokiŋa Akai ka Akuj, ekoni eruye ŋol irworikini etoil ka Akuj a ŋina etiron.

Esek. 40:18

Amekinit akibois ŋin alapatu daadaŋ alokiŋaren ŋipukei a ŋagulei, ido eriyan aoyau a ŋolopuke ka neni enaminamitae ŋamoru. Atikiyoro kwap iwadio akibois ŋin.

Esek. 40:38

Tooma agule ŋina ayai lopuke ŋol, ayai agule ace ŋina ayai epuke, arae nagule ŋin elosere ŋainakineta ŋuna epeyo.

Esek. 40:44

Abu nai ekile ŋol okoyau ayoŋ nalapatu ŋina alotooma Akai ka Akuj. Ayakasi nalapatu ŋin ŋagulei ŋaarei ŋuna aŋaara, eŋoliyarit apei lowae ŋolo alo Kwap alodiyete epuke ŋolo alo Kuju, eŋoliyarit ŋinace lowae ŋolo a epuke a ŋolo alo Kide a ŋolo eŋoliyarit lowae ŋolo alo Kuju.

Esek. 40:45

Abu ekile ŋol okolimok ayoŋ atemar erae agule ŋina iŋoliyarit lowae ŋolo alo Kwap ŋina a ŋisacaradotin a ŋulu erae etic kec akiyok Akai ka Akuj,

Esek. 40:46

tosodi agule ŋina iŋoliyarit lowae ŋolo alo Kuju, erae ŋina a ŋisacaradotin a ŋulu erae etic kec akiyok namuroet. Erae ŋisacaradotin ŋul ŋidwe a Sadok ŋulusapa ŋulu erae ikes bon ecamakinitae aloletok a Lepi aponare akitiya etic alokiŋaren Ekapolon.

Esek. 41:10

ka ŋagulei ŋuna a ŋisacaradotin; arae alolomu a nen ŋimitae ŋitomon, erimokinit ilapatu ŋin Akai ka Akuj daadaŋ.

Esek. 41:6

Adukitoe ŋagulei ŋun idokitoe ameun alokwap tari kidiama; a ŋunagulei ŋatomoniuni ameun alokwap tari kidiama. Ayakasi narwatatain ŋun daadaŋ ŋiboorei ŋulu ekamanakinitere ŋarwatatain ŋuna aŋagulei togogoŋ, ikotere nyegwaŋar narwatata ŋina ka Akai ka Akuj.

Esek. 42:1

Abu nai ekile ŋol okoya ayoŋ nalapatu ŋina alo kiŋa ŋina ayai lowae ŋolo alo Kuju. Okoya ayoŋ nagulei ŋuna eteosi ka alapatu ŋina ka Akai ka Akuj ka eteosi alapatu ŋin ka aduketait ŋina ayai lowae ŋolo alo Kuju.

Esek. 42:10

arae lopuke ŋolo ayai nen esyakinitor arwatata ŋina ka alapatu. Alowae a ŋolo alo Kwap Akai ka Akuj daŋ aneni eteosi ka alapatu ka aneni eteosi ka akai ŋina ayai lowae ŋolo alo To Akai ka Akuj, ayakasi ŋagulei.

Esek. 42:3

Alowae a ŋolo eŋoliyarit Kai ka Akuj, arae aduketait ŋin ŋimitae ŋitomon, eŋoliyarit ewae aduketait a ŋin ŋoloce neni enaminamitae ŋamoru analapatu a ŋina alokiŋa. Ayakasi naduketait ŋin ŋagulei ŋuna adukitoe idokitoe a ŋauniuni ameun alokwap tari kidiama.

Esek. 42:4

Ayai kiŋaren ŋagulei ŋun alotooma neni etoreeneneo, arae alolomu ŋimitae ŋikan ka arae aoyau ŋimitae ŋatomonikan. Eŋoliyarito ŋipukei a ŋagulei a ŋun daadaŋ lowae ŋolo alo Kuju.

Esek. 44:1

Abu ekile ŋol ekenyaka ayoŋ, okoya lopuke ŋolo alokiŋa akibois ŋina asegan, ŋolo eŋoliyarit lowae ŋolo alo Kide Akai ka Akuj, agolokino epuke ŋol.

Esek. 45:5

Emaikina atutubet ŋinace erae ŋina a ŋilepi a ŋulu itiyaete etic alo Kai ka Akuj. Emaikina todukoe ŋitaunio ŋulu iboiyoto ikes nen.

Esek. 46:21

Abu nai ekile ŋol okoyau ayoŋ kiŋa, nalapatu ŋina alokiŋa, okoriko ayoŋ, eketoryo lokoonae ŋuluomwon ŋulu ka alapatu a ŋina alokiŋa, a ŋolokoona analapatu a ŋin, ayai neni alapat.

Akis. 11:2

Nai, nyipim ŋibarasanin, anerae einakinitae ikes lotuŋa ŋulu nyerae Ŋiyudayan ŋulu ipudaarete etaun ŋolo ka Akuj ŋilapyo ŋatomoniomwon ka ŋiarei.