Esek. 4:3 - Ebaibul

³ Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.

Esek. 4:3 Iomraidhean Croise

Isa. 20:3

Tema nai Ekapolon, “Lopite ŋolo alosyo eketiyan kaŋ Isaya eleri ka pa enapit ŋamuk ŋikaru ŋiuni ikwapei akitoodikinet ka aumokinet neni a ŋituŋa a Ijipit ka Esiopia,

Isa. 22:7

Eleleba ŋagaari ŋuna eritae a ŋaŋolei nakadipaalae kon ŋuna ajokak a ŋalup ka apotu ŋasigarya ŋuna ameto ŋaŋolei torebuwasi ŋipukei a ŋitaunio.

Isa. 8:18

Kiŋolikinae ayoŋ lo ka ŋidwe ŋulu abu Ekapolon okoinak ayoŋ, ikirae akitoodikinet ka aumokinet alo Isirael aneni ke Ekapolon a ŋolo a ŋajoresyo a ŋolo iboi alomokura Sion.

Yer. 39:1

Alokaru a ŋolo a ŋitomon elap ŋolo a ŋitomon ipukat erwosit Sedekia ŋolo a Yudaya, abu erwosit Nebukadinesar ŋolo a Babilon kaapei ka ŋasigarya keŋ daadaŋ potu Yerusalem kirikaut.

Yer. 39:2

Alokaru a ŋolo a ŋitomon ka epei ŋirwa ke elap ŋikanikaomwon elap ŋolo a ŋiomwon ipukat Sedekia, aponi topedoi arwatata a etaun.

Esek. 12:11

tolimok ikes atemar itoodiunito ŋuna itiya iyoŋ ŋuna itiyakinosi neni kec, edokinete ikes nakwapin ka ikamaryo ikes.

Esek. 12:6

Tonap ŋiboro kon aloseketa kon iteete ikes tolomarya kiŋa nakiryonut; emaikina iyoŋ torap eeret kon, ikotere nyiŋolik iyoŋ neni ipudae, anerae eketuruwo ayoŋ iyoŋ akitoodikinet ŋina einakini Ŋisirael atamatam ŋuna kitiyakina.”

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Dan. 11:17

Iwuakini iŋes natameta keŋ abunore a agogoŋ a ŋituŋa a akwap keŋ a daadaŋ; eyauni iŋes ŋakiro ŋuna a ekisil ka itiyakini iŋes ŋun. Einakini erwosit ŋolo alo Kuju nakoku keŋ neni a erwosit a ŋolo alowae a ŋolo alo Kwap aŋuna ka akikamarya apukan keŋ, nai nyiyookin ayeunet keŋ ka nyiŋarakinete iŋes ŋun.

Ŋilep. 2:5

Ani kerae ainakinet a ituŋanan akimuj ŋina ipotoi a ikalaat a ŋinibeleny, emaikina erae ŋina elemunitae anakirya a ŋuna ajokak nooi, a ŋuna erae akimyet emunatere, tomam ŋakinyalet.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.