Esek. 39:6 - Ebaibul

⁶ eyakuuni ayoŋ akim bu nakwap Magog ka neni a ŋituŋa a ŋulu iboiyete anakiboisyo a ŋuna emam awasya alodiyete anam; eyenunete ŋituŋa ŋul atemar arae ayoŋ Ekapolon.’

Esek. 39:6 Iomraidhean Croise

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 25:22

ŋirwosi daadaŋ ŋulu a Tiro, ŋirwosi daadaŋ ŋulu a Sidon ka ŋirwosi a ŋakwapin a daadaŋ a ŋuna alokekwaye anam a ŋuna idunyito anam;

Esek. 30:16

Ecunyari ayoŋ akwap a Ijipit; emini aryeba ŋina apolon nooi lotaun Pelusium; ebwaŋabwaŋakinio kwap ŋarwatatain a Sebes, eremete ŋimoe Mempis naparan.

Esek. 30:8

Eyenuniate nai ikes atemar arae ayoŋ Ekapolon apaki ŋina enokakinia ayoŋ Ijipit a akim, ido omunya ŋulu iŋarakinito iŋes daadaŋ.

Esek. 30:9

“Akoloŋit ŋin, elosete aneni kaŋ ŋikiyakia edokito ŋameeli, kitukuryana ŋituŋa a Kuc ŋulu atenito akinup ŋakiro. Emini ekabule neni kec akoloŋit ŋina isicanere Ijipit, ebunit kire jik akoloŋit ŋin.

Esek. 37:6

Ewuanakini ayoŋ ŋamori neni kus ka emyekini ayoŋ akiriŋ itarapuwa iyes, tosodi nai okarapuwa ayoŋ iyes a amuny a ŋina ka akuwan; ewuakini ayoŋ ekieŋanu neni kus toruwor iyes ŋulu iyarete, ido iyenunete iyes atemar arae ayoŋ Ekapolon.”

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Esek. 38:13

Ikiŋisete iyoŋ ŋakwapin nu: Seba, Dedan ka ŋimucurus ŋulu a Tarisis ta ŋisorok ŋulu a Tarisis daadaŋ ebe, ‘Ibunit iyoŋ aŋatar a? Icununit iyoŋ ŋajoresyo kon alemar ka kiwok esilipa ka egolid, aramar ŋibaren ka akiwok ŋiboro ta akiriraar ibore ŋini alalan a?’

Esek. 38:2

“Lokoku a ituŋanan, kiŋoliya lowae ŋolo eyai akwap a Mago ŋina ipukat Gog ŋolo erae iŋes epolokinit ŋakwapin nu: Mesek ka Tubal. Todwar itoroniyarit iŋes,

Esek. 38:6

Gomer daŋ ka ŋasigarya keŋ daadaŋ eriito ka iŋes. Bes-Togarima daŋ alo Kuju ainati kaina kaapei ka ŋasigarya keŋ daadaŋ eriito ka iŋes. Eriito iŋes ka ŋituŋa ŋulu alalak.’

Esek. 39:5

Itwanikini iyoŋ neni elapat anariet, ayoŋ Ekapolon Akuj adau alimun ŋun.

Amos 1:10

Aŋun, emyekini ayoŋ akim tonom ŋarwatatain a Tiro, enomiyari akim ŋaduketa keŋ ŋunajiet.”

Amos 1:4

Aŋun, emyekini ayoŋ akim tonom ekal ka Asael, enomiyari akim ŋaduketa ŋuna ka Ben-Adad ŋunajiet.

Amos 1:7

Aŋun, emyekini ayoŋ akim tonom ŋarwatatain a Gasa, enomiyari akim ŋaduketa keŋ ŋunajiet.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Akis. 20:8

Tolot amodyanakin ŋakwapin daadaŋ ŋuna eyakasi nakwap ŋuna enyaritae Gog ka Magog. Ecununi Satan ikes daadaŋ lojiye; elal ekimar kec etya asinyon ŋina ka anam.

Akis. 20:9

Kielakin ikes akwap daadaŋ kirikaut akibois ŋina a ŋituŋa a ŋulu ka Akuj ka etaun ŋolo apolon ŋolo emina Akuj. Nai bu akim anakuj, tonyamuwa ikes.

Ŋikat. 18:7

Toloto nai ŋikarebok ŋulukan ŋul, todolo Lais, kiŋolikis ikes ŋituŋa ŋulu eboiyete a nen iboiyete emam ŋace, lopite ŋolo eboiyoto Ŋisidoniani. Arae ikes ŋituŋa ŋulu eboiyete emam ecelet ka emam ŋini imanatar, ayakatar ikes ibore daadaŋ ŋina eitanito ikes anakwap ka ayakatar abaru. Nabo daŋ, alwaka ŋituŋa a Lais aneni a Ŋisidoniani ka amam ŋakiro amorete ikes ka ŋituŋa ŋuluce.