Esek. 39:4 - Ebaibul

⁴ Itwanikini iyoŋ kidiama ŋikamukumukui ŋulu a Isirael, kaapei ka ŋasigarya kon daadaŋ ta ŋituŋa ŋulu irukito ka iyoŋ. Ekepotokini ayoŋ iyoŋ neni a ŋolokabila a ŋikeny a daadaŋ a ŋulu anyamak ŋituŋa; ekepotokini ayoŋ iyoŋ neni a ŋityaŋ a ŋulu ka ariet, ikotere itonyam iyoŋ.

Esek. 39:4 Iomraidhean Croise

Isa. 14:24

Ekoŋ Ekapolon ŋolo a ŋajoresyo ebala, “Itiyakin ŋakiro lopite ŋolo adaunia ayoŋ akitemokin, itiyakin ŋakiro lopite ŋolo adaunia ayoŋ ayeun ikote ne:

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Yer. 15:3

“Aseuni ayoŋ aŋuna kec ŋirotin lu ŋiomwon ŋulu emunyarere ikes: Earyo ikes a ekileŋ, iriyarete ŋiŋokwo ikes nariet ka irikarete ŋikyeny ka ŋityaŋ ŋulu ka ariet ikes.

Yer. 25:33

“Epetakin ŋawat a ŋituŋa a ŋulu eari Ekapolon kwap, ameun a epeiwae akisalet a akwap tari ŋoloce nyigworyo ŋituŋa ŋul, kori nyecunakinio, kori nyenukyo, imyekinio ikes a nen kikwaanikinos ka aoret alokidiama ŋalup.”

Esek. 29:5

Ekecutari ayoŋ iyoŋ naloŋisat, iyoŋ kaapei ka ŋikolya ŋulu eya nakipi ŋuna a ŋakitelesyo kon; Imasakin iyoŋ neni alapatan anariet, nyikidakunio iyoŋ a nen ikinuki. Adau ayoŋ ainakin iyoŋ ikwapei akimuj kec neni a ŋityaŋ a ŋulu ka akwap ka neni a ŋikyeny a ŋulu eporete.

Esek. 33:27

Tolimok ikes atemar alimu Ekapolon Akuj ebe, ‘Ikwapei kire jik ayarya ayoŋ, earyo a ekileŋ ŋituŋa ŋul ŋulu idoŋito nakiboisyo ŋuna emunaara ŋun, ido ŋulu iboiyete aneni nyerae sek ŋitaunio, emyekini ayoŋ ŋityaŋ ŋulu adedeŋak tonyama ikes, ani ŋulu iboiyete anaduketa a ŋuna egogoŋ ka anaturukanin, emyekini ayoŋ edeke toar ikes.

Esek. 35:8

Etubutari ayoŋ ŋawat a ŋikatwak ŋikamukumukui a akwap a Seir, imasakinosi ŋulu earyo kidiama ŋikamukumukui a akwap a ŋin, tooma ŋakadipaalae a akwap a ŋin ka nayona daadaŋ ŋuna aŋakipi anakwap a ŋin.

Esek. 38:21

Anyarauni ayoŋ ŋituŋa alokamukumukui kaŋ a daadaŋ potu toara Gog a ekileŋ. Imani ŋinituŋanan akiar lokaato keŋ a ekileŋ.

Esek. 39:5

Itwanikini iyoŋ neni elapat anariet, ayoŋ Ekapolon Akuj adau alimun ŋun.

Naum 3:3

Emotuno neni kon ŋikametok ŋaŋolei, imilyasi ŋileŋia ka epariparete ŋakwaaras! Etukosi alotooma kon ŋawat a ŋituŋa a ŋulu etwakito, etukosi alotooma kon ŋawat ŋuna nyimarun, ibusonokinete ŋawat ŋun ŋituŋa.