Esek. 39:26 - Ebaibul

²⁶ Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Esek. 39:26 Iomraidhean Croise

1 Ŋirw. 4:25

Ŋirwa ŋulu epukator Solomon, eboiyete ŋituŋa ŋulu a atutubet a Yudaya ka atutubet a Isirael anakinapakina ameun alo Dan tari Beeriseba. Eboiyete ŋikilyok alotolimon a ŋikito kec aŋulu a epiini ka ŋiboboryo.

Ŋikiru. 99:8

Okoe Ekapolon Akuj kosi, ibu iyoŋ toboŋok ikes; ibu iyoŋ toruwor Akuj ŋina esyonon aneni a Ŋisirael, nai ibu iyoŋ kisican ikes aŋuna a ŋadyakanareta kec.

Isa. 17:2

Eesikinete ŋituŋa ŋitaunio keŋ ŋikaru ka ŋikaru; eruwor ŋitaunio ŋul neni eya ŋisipanin a ŋamesekin, eruwor nen neni euryaniata ikes ka emam ituŋanan esurusurui ikes.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Esek. 15:8

Eturuwori ayoŋ akwap kec ŋina asilon, anerae apotu ikes kitiyata pa akanupito ayoŋ.”

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 20:27

“Aŋun nai, lokoku a ituŋanan, kirwor neni a Ŋisirael atemar, ŋakiro ŋuna irworo Ekapolon Akuj ikes nu; epite ece ŋolo aponiata atapapaa kec ekeyanyata ayoŋ iŋes lo, apotu toruwor ŋulu pa ekekinyomito ayoŋ.

Esek. 20:43

Itamunete nai iyes a nen ŋipitesyo ŋulu kipotu iyes toyakaunotor ka ŋakiro daadaŋ ŋuna imunaaryata iyes ŋawat kus. Ikiinakinete iyes ŋakiro ŋuna aronok daadaŋ ŋuna itiyata iyes ajamakin ŋawat kus.

Esek. 32:25

Eturuwosi ikes Elam ekitaada ŋolo eyai neni a ŋulu aari kaapei ka ŋajoresyo kec daadaŋ, eturuwosi ikes Elam neni irimokinito ŋalyalin kec kidiŋ, erae ikes daadaŋ ŋulu nyenupito neni ka Akuj, ŋulu aaryo a ekileŋ, anerae apotu ikes kielakis ekabule nakwap a ŋituŋa a ŋulu eyarete. Idaŋidaŋete ikes ŋileec kec kaapei ka ŋituŋa ŋulu alomasi nakipany, iperikinitoe ikes neni eya ŋulu aponi toarae.

Esek. 32:30

“Eyakasi nakibois a ŋikatwak ŋin ŋikepukak ŋulu alowae a ŋolo alo Kuju ka ŋisidoniani daadaŋ. Aponi toarae ikes ka alomasi kwap irumito ŋileec, anerae apotu ikes yaut ekabule aŋuna ka agogoŋu kec, eperete ikes a nen erae ŋulu pa anupito neni ka Akuj, erukito ikes ka ŋulu aponi toarae a ekileŋ, irumito ŋileec ikes a nen kaapei ka ŋulu apotu tolomasi nakipany.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Mika 4:4

Iboikin ŋinituŋanan lotolim a epiini keŋ ka a ebobore keŋ; mam ituŋanan einakini ikes akuryanu, anerae adau Ekapolon ŋolo Etiron alimun ŋun.