Esek. 39:18 - Ebaibul

¹⁸ Inyamete iyes akiriŋ a ŋituŋa a ŋulu agogoŋok ka imasete iyes ŋaokot a ŋikepukak ka akwap; esibit erae ikes ŋimeesekin, ŋikaalei ŋulumesekin, ŋikorwa ka ŋimaniko; ŋibaren ŋulu aminae akiyok alo Basan totuma nooi.

Esek. 39:18 Iomraidhean Croise

Ŋikiru. 22:12

Ekerimokinito ayoŋ ŋimoe ŋulu alalak; ekerimokinito ayoŋ ŋimoe ŋulu agogoŋok, ŋulu ikote egogoŋ ŋimaaniko ŋulu a Basan.

Ŋikiru. 68:30

Kiŋenyak ŋituŋa a Ijipit ŋulu ikwaan ka ŋityaŋ ŋulu adedeŋak ŋulu iboiyete anasasak; ŋulu ikwaan ka esipan a ŋimoŋin; ka kiŋenyak ŋulu eyarikinito neni a Ijipit, akitodol ŋina itiditeunotor ikes yaut esilipa kec neni kon. Kielielaa ŋituŋa ŋulu eminasi ejie.

Isa. 34:6

Eyakar Ekapolon ekileŋ, ileleba ŋaokot lokileŋ ŋol, erapit arurak ekileŋ ŋol, ileleba ŋaokot a ŋikaalei a ŋulumesekin ka ŋuna a ŋamee lokileŋ ŋol, ileleba ŋaruraka a ŋiŋalur a ŋimeesekin lokileŋ ŋol, anerae eyakar Ekapolon amuronot Bosira, eari Ekapolon ŋituŋa ŋulu alalak alo Edom.

Isa. 34:7

Earyo ikes kaapei ka ŋimoŋin ŋulu adedeŋak ka earyo a nen ŋitak ŋulumaaniko ka ŋimaaniko ŋulu apolok nooi. Isiinaunete ŋaokot kec ŋalup kec ka eruwor ŋalup kec ŋuna ataronok aŋuna a ŋasepwa.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Yer. 50:27

Toara ŋasigarya keŋ daadaŋ torikosi ikes neni eŋolere. Acakec, adolu akoloŋit kec, adolu apaki ŋina ka akisicanio kec!

Yer. 51:40

Arikori ayoŋ ikes neni eŋolere, lopite ŋolo erikorere ŋikaalei akiŋol, lopite ŋolo erikorere ŋimeesekin ka ŋamee akiŋol.

Esek. 29:5

Ekecutari ayoŋ iyoŋ naloŋisat, iyoŋ kaapei ka ŋikolya ŋulu eya nakipi ŋuna a ŋakitelesyo kon; Imasakin iyoŋ neni alapatan anariet, nyikidakunio iyoŋ a nen ikinuki. Adau ayoŋ ainakin iyoŋ ikwapei akimuj kec neni a ŋityaŋ a ŋulu ka akwap ka neni a ŋikyeny a ŋulu eporete.

Esek. 34:17

“Ani eruwor iyes ŋamesekin kaŋ, alimu Ekapolon Akuj ŋakiro nu aŋuna kus ebe, ‘Atubokini ayoŋ ŋinamesek aneni kus, otyaka ŋuna ajokak aneni aŋuna aronok, otyaka ŋamesekin aneni aŋamee.

Esek. 34:8

‘Ikwapei kire jik ayarya ayoŋ, iyes ŋikeyokok, aŋuna aponiata ŋamesekin kaŋ kicanakinos ekeyokon ka apotu ŋityaŋ ŋulu anariet kielasi ikes daadaŋ ka tonyama aŋuna amamukar ekeyokon eyoki ikes ka aŋuna pa aponiata ŋikeyokok kaŋ kiwarasi ŋamesekin kaŋ, nai apotu kiyoko ŋawat kec bon akilo akiyok ŋamesekin kaŋ,’

Esek. 39:19

Alotuŋa a ŋulu etemokini ayoŋ aŋuna kus, inyamete iyes ŋasepwa akitodol ŋina ilelebunitor ŋakokyes pic ka imasete iyes ŋaokot kec akitodol ŋina imerakinotor.

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

Akis. 19:21

Aponi ŋasigarya kec toarae ka atum a ŋina alomuni anakituk a ŋolo amet aŋole, tonyama ŋikyeny daadaŋ ŋawat kec lopite ŋolo apedoritotor.