Esek. 39:10 - Ebaibul

¹⁰ Nyemitakinete ikes akikeyen ŋakito anariet, kori akiyep ŋikito ŋidi anamoni aŋuna a ŋakito, anerae inokete ŋakimya kec a ŋiboro a ŋulujiet. Eŋatarete ikes ŋiboro a ŋituŋa a ŋulu apotu toŋatasi ŋiboro kec ka elemarete ikes ŋiboro a ŋituŋa a ŋulu apotu tolemasi ŋiboro kec.”

Esek. 39:10 Iomraidhean Croise

Awos. 12:36

Kebu Ekapolon kitirimaanik Ŋijipitian Ŋisirael, ido kepotu Ŋijipitian inakis Ŋisirael ŋiboro ŋulu eŋitasi. Aŋun, kepotu Ŋisirael toŋatut ŋiboro aneni a Ŋijipitian.

Awos. 3:22

Itemokino aberu ŋina erae Asiraelit daadaŋ tolot neni ka Ajipitanoit a ŋina idunyatar iŋes ka Ajipitanoit ca daadaŋ ŋina iboiyete ka iŋes. Emaikina ikes kiŋita ŋaberu ŋun inakis ikes ŋiboro ŋulu itiyaunitae a esilipa ka egolid, kiŋita ŋilowi daŋ, ido kitanapikis ŋiboro ŋulu neni a ŋidwe kec a ŋulusapa ka ŋulupesur. Alopite a ŋol, iayete iyes ebari a Ŋijipitian.”

Isa. 14:2

Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Esek. 39:11

Abu Ekapolon tema, “Akoloŋit ŋin, ainakini ayoŋ Gog akibois ŋina enukakinio alo Isirael, ainakini ayoŋ iŋes akibois ŋin anakadipaalat a ŋikalotok, Kide Anam ŋina Atwan. Ekuryakiata ŋikalotok akitor nakadipaalat ŋin, anerae arae nen aponi tonukakinae Gog ka ŋajoresyo keŋ daadaŋ; enyarao akadipaalat ŋina ka Amon-Gog.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Abak. 2:8

Aŋuna idauniata iyes aŋatanar ŋakwapin ŋuna alalak, ikiŋatarete iyes ŋituŋa daadaŋ ŋulu idoŋito nakwapin ŋun, itiyakinosi ŋun aŋuna a ŋituŋa a ŋulu ipotu iyes toara ka aŋuna ka aryenyeo kus anakwap, alotaunio ka neni a daadaŋ a ŋulu eya lotaunio ŋul.

Abak. 3:8

Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?

Sakar 14:14

Ejiete ŋituŋa a Yudaya daŋ aiun Yerusalem. Ecununio ebari a ŋakwapin a daadaŋ a ŋuna idunyatar Yerusalem, egolid ŋolo alalan nooi ka esilipa ŋolo alalan nooi ta ŋilowi ŋulu alalak nooi.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Akis. 13:10

Ituŋanan ŋini itemokino kikamarae, itemokino kire kikamarae; ituŋanan ŋini itemokino toarae ka atum, itemokino kire toarae ka atum. Aŋun, itemokino ŋituŋa ŋulu ka Akuj totitinyikis ananupit kec.”

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.