Esek. 38:8 - Ebaibul

⁸ Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Esek. 38:8 Iomraidhean Croise

Akisy. 49:1

Tonyarau nai Yakob ŋidwe keŋ ŋulusapa, tema neni kec, “Tocununos ne, ikotere akalimokini ayoŋ iyes ŋakiro ŋuna etakanunete neni kus alorwa a ŋulu eponito.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 24:22

Ecunakinio ikes daadaŋ iwapei ikwa ŋimabus ŋulu ecunakinitae lojera, egolokinio ikes lojera, ido kelunyar ŋirwa ŋulu alalak, isicanio ikes.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 8:9

Okoe ŋituŋa a ŋakwapin, tocunakinos iwapei ka akuryanu, topupokisi ŋituŋa daadaŋ ŋulu a ŋakwapin a ŋuna alwanak, tosubakinos aŋuna ke ejie nai tokuryaka! Tosubakinos aŋuna ke ejie, nai tokuryaka!

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 32:5

erikori erwosit a Babilon Sedekia Babilon, erubakini iŋes iboi a ina tari ŋina atamunia ayoŋ iŋes, tari kitiji iyoŋ Ŋibabiloniyae, nyilouni iyoŋ ikes.’ ”

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Yer. 48:47

Kikote neni daŋ alorwa a ŋulu esidyok, enyakakini ayoŋ ŋituŋa a Moab ŋarereŋisyo kec.” Atubokino a Moab iŋes ŋin.

Yer. 49:39

Nai ekaku enyakakini ayoŋ ŋarereŋisyo neni a ŋituŋa ka Elam.”

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 34:13

Ayauni ayoŋ ikes alotuŋa a ŋakwapin, acununi ayoŋ ikes anakiboisyo, oyau tooma nakwap kec, eyok ikes alokidiama ŋikamukumukui a Isirael, alodiyete ŋayona ŋuna eya ŋakipi ka aneni daadaŋ iboikinosi ikes alo Isirael.

Esek. 38:14

“Aŋun lokoku a ituŋanan, todwar, tolimok Gog atemar, iŋita Ekapolon Akuj ebe, ‘Ilosi iyoŋ kire akitijikin ŋituŋa kaŋ Ŋisirael apaki ŋina iboiyoto ikes emam ŋace a?

Esek. 38:16

Ipote iyes akirem ŋituŋa kaŋ Ŋisirael, ipote iyes ibutarito akwap ikwa edou. Okoe iyoŋ Gog, alorwa a ŋulu eponito akayauni ayoŋ iyoŋ torem akwap a ŋituŋa kaŋ, ikotere nai ŋituŋa a ŋakwapin okoyenut ayoŋ apaki ŋina etoodiunia ayoŋ asegis kaŋ neni kec aneni kon.’

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ekim. 24:14

Aŋun tokona, aboŋori ayoŋ lotuŋa kaŋ, kimyek okolimok iyoŋ ŋuna moi epote ŋituŋa lu akitiya neni a ŋituŋa kon alorwa a ŋulu eponito.”

Ŋikis. 4:30

Apaki ŋina iyakaunotor iyes locan, ŋina itiyakinotor ŋakiro ŋun daadaŋ neni kus alorwa a ŋulu eponito, iboŋunete iyes neni ke Ekapolon kiwuapa ŋakiro keŋ.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.