Esek. 38:19 - Ebaibul

¹⁹ Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Esek. 38:19 Iomraidhean Croise

Ŋikiru. 18:7

Abu nai akwap tomaranik ka kiryaŋiryaŋakin; apotu ŋawoeta a ŋimoru daŋ tomaranikis ka kiryaŋiryaŋakin anerae abu Akuj toŋo.

Ŋikiru. 18:8

Abu apuru tolomu alokumes keŋ ka abu akim ŋina anyamuwaran tolomu anakituk keŋ, toneput ŋatotol anakituk keŋ.

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Esek. 36:5

Alimu tokona Ekapolon Akuj ebe, ‘Erworo ayoŋ anaŋoit kaŋ aŋina alilitor nooi emanit ŋakwapin ŋunace ka emanit Edom ŋina apotu ŋituŋa keŋ alotooma aleleyanu ka ajamuwarit kikamasi akwap kaŋ toruwor ŋina kec aŋuna ka aŋatar ŋadakarisinei keŋ.’

Esek. 36:6

Aŋun, todwar ŋakiro ŋuna ka akwap a Isirael, tolimok ŋituŋa ŋulu eyakasi lomoru, lokamukumukui ka nayona ŋuna eya ŋakipi ta ŋulu eyakasi nakadipaalae atemar alimu Ekapolon Akuj ŋakiro nu ebe, ‘Erworo ayoŋ ananyunyura kaŋ a ŋina alilitor aŋuna iryamuniata iyes ŋican ŋulu ikiyanyata ŋituŋa a ŋakwapin.’

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Esek. 39:6

eyakuuni ayoŋ akim bu nakwap Magog ka neni a ŋituŋa a ŋulu iboiyete anakiboisyo a ŋuna emam awasya alodiyete anam; eyenunete ŋituŋa ŋul atemar arae ayoŋ Ekapolon.’

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Yoel 2:18

Abu nai Ekapolon kitoodiu amina keŋ neni a ŋituŋa keŋ, ido abu kisyoni ŋituŋa keŋ.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sakar 1:14

Tema nai emalaika ŋolo ikirworo ka ayoŋ neni kaŋ, “Kisera ŋakiro nu, ‘Amina ayoŋ nooi Yerusalem ka Sion,

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋibur. 12:26

Abu etoil keŋ kitamaranik akwap apaki ŋin, nai tokona adau iŋes akiikin ebe, “Etamaranikini nabo ayoŋ akwap apeikitamaranikinet; nai meere akwap bon, nai nakuj daŋ.”

Ŋibur. 12:29

anerae ikwaan Akuj yok ka akim ŋina ikinyamuwari.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

Akis. 16:20

Toŋopiyasi ŋiculae daadaŋ, toŋopiyasi ŋimoru daadaŋ;