Esek. 38:13 - Ebaibul

¹³ Ikiŋisete iyoŋ ŋakwapin nu: Seba, Dedan ka ŋimucurus ŋulu a Tarisis ta ŋisorok ŋulu a Tarisis daadaŋ ebe, ‘Ibunit iyoŋ aŋatar a? Icununit iyoŋ ŋajoresyo kon alemar ka kiwok esilipa ka egolid, aramar ŋibaren ka akiwok ŋiboro ta akiriraar ibore ŋini alalan a?’

Esek. 38:13 Iomraidhean Croise

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 33:23

Ilajulajunosi ŋiboorei ŋulu imetotor iyes ŋameeli, nyepedosi akiketar epir ŋolo eyai nameeli, kori nyepedosi akiguror ŋanaŋgae topetar. Ekoraryo nai ŋiboro ŋulu alalak ŋulu aŋatunitae, ŋikaŋwalak daŋ, eŋatarete ŋiboro ŋul.

Yer. 15:13

“Eŋatarete ŋimoe ŋiboro kus ka abaru kus emam egyelit aŋuna a ŋasecisya kus. Iritorete ŋimoe ŋiboro anakwap kus a daadaŋ.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 51:38

“Irurumaete ŋituŋa a Babilon kaapei ikwa ŋiŋatunyo, eruunete ikwa ŋitak a eŋatuny.

Esek. 25:13

alimu tokona Ekapolon Akuj atemar esicani ayoŋ Edom emanit, aari ayoŋ ŋituŋa ka ŋityaŋ ŋulu eya nen; emyek Edom erae ereŋorot koŋin. Emunyaryo a ekileŋ ŋituŋa a Edom akisyakin alo Teman akitodol Dedan.

Esek. 27:12

“Apotu ŋituŋa a Tarisis kicurutata kaapei ka ŋituŋa kon, anerae ibarit iyoŋ ŋiboro nooi; apotu ikes yaasi ŋiboro kon ikiinakis iyoŋ esilipa, ŋasuwa, ŋasuwa ŋuna enyaritae tin ka ŋasuwa ŋuna apotyok.

Esek. 27:15

Apotu ŋituŋa a Rodes kicurutata kaapei ka iyoŋ ka apotu ŋituŋa a ŋakwapin a ŋuna eya diyete anam toruworos ŋikagyelak ŋuluyenen ŋulu a ŋiboro kon; apotu ikes ikitacakis iyoŋ ŋikyal a ŋitome ka ŋakito ŋuna agogoŋok ba ba.

Esek. 27:20

Apotu ŋituŋa a Dedan kicurutata ka iyoŋ; apotu ikes yaasi ŋiboro kon, ikiinakis iyoŋ ŋilowi ŋulu asonyitae erae ŋisaaja ŋulu emetere ŋaŋolei, kori ŋisigirya.

Esek. 27:25

“Apotu ŋameeli ŋuna a Tarisis kiwoko ka kiwokununut ŋiboro kon. Aŋun, apotu ŋiboro kilelebun neni kon ka kinuunos nooi neni kon alokidiŋ anam.

Esek. 32:2

“Lokoku a ituŋanan, kiololo aŋuna a Parao a erwosit a Ijipit, tolimok iŋes ebe, ‘Itami iyoŋ atemar igogoŋ iyoŋ anakwapin nooi ikwaan ka eŋatuny, nai ikwaan iyoŋ ka epiu koŋin ŋolo eperi anakipi a ŋanamyo; ibelibelo iyoŋ anakipi a ŋayona kon, imunae iyoŋ ŋakipi a ŋakejen kon toruwor ecoto ka itobos ŋakipi a ŋayona kon.

Yoel 3:8

Agyelari ayoŋ ŋidwe kus ŋulusapa ka ŋulupesur neni a ŋituŋa a Yudaya, ido togyelasi ŋul ikes neni a Ŋisabean, nakwap ŋina alwanan nooi.” Ekapolon iŋes alimu ŋun.

Sakar 11:3

Kiirasi epite ŋolo igworotor ŋikeyokok; anerae amunaar ŋadakarisinei kec ŋuna alibak! Kiirasi epite ŋolo irurumaata ŋiŋatunyo; anerae amunaar amoni ŋina sek eyakasi ikes, ŋina alodiye aŋolol a Yorodan!