Esek. 38:10 - Ebaibul

¹⁰ “Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Esek. 38:10 Iomraidhean Croise

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋikiru. 36:4

Etuki iŋes eriŋa eperi akitiya ŋuna aronok; ŋuna aronok bon emina iŋes akitiya nyeŋerit iŋes akitiya ŋuna aronok.

Ŋakit. 12:2

Eryamununui ituŋanan ŋini ajokan ajokis aneni a Ekapolon, nai etubonokini Ekapolon ŋini eyeununui akitiya aronis.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Ŋakit. 6:14

ileleba ŋileec lotau keŋ ka etuki a ŋinapaki akitiya aronis, isyaanakini a ŋinapaki akisigurokin ŋituŋa.

Ŋakit. 6:18

ŋituŋa ŋulu etukete alotai kec akitiya aronis, ŋituŋa ŋulu iburiburete akiem akitiya aronis,

Isa. 10:7

Nai nyecamit erwosit ka Asiriya akitiya ŋun, nyetami daŋ iŋes ŋakiro ŋun, nai eya lotau keŋ ŋakiro ŋuna ka akinyasun ka amunyar ŋituŋa a ŋakwapin a ŋuna alalak;

Esek. 11:5

Abu nai etau a Ekapolon bu, min neni kaŋ, okolimok Ekapolon ayoŋ alimokin ŋituŋa ŋakiro nu ebe, “Ebala Ekapolon, ŋituŋa a Isirael, ayeni ayoŋ ŋuna irworosi iyes ka ŋuna iyeete iyes akitiyakin.

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.

Mar. 7:21

Anerae alotooma ŋitai a ŋituŋa elomunete ŋatameta ŋuna aronok, adoteu, akoko, akiar,

Yoa. 13:2

Ani imujete ikes eboŋ, keris Satan, aŋuna ka alukinio Yesu, keloma lotau a Yuda Isikariot, a ŋolo arae lokoku a Simoni.

Ŋitic. 5:3

Nai tolimok Petero Anania tema, “Anania, kaanukiro imyekinia iyoŋ Satan ilelebikin lotau kon, ido tomodik iyoŋ Etau ŋolo Asegan, aŋuna iwuaya ŋisiliŋa ŋice ŋulu igyelarya iyoŋ emanikor?

Ŋitic. 5:9

Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

Ŋitic. 8:22

Aŋun, toki nai aronis kon na, kilip neni ke Ekapolon atemar ani kepedor, kisyoni iŋes ŋuna eya lotau kon.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.