Esek. 37:6 - Ebaibul

⁶ Ewuanakini ayoŋ ŋamori neni kus ka emyekini ayoŋ akiriŋ itarapuwa iyes, tosodi nai okarapuwa ayoŋ iyes a amuny a ŋina ka akuwan; ewuakini ayoŋ ekieŋanu neni kus toruwor iyes ŋulu iyarete, ido iyenunete iyes atemar arae ayoŋ Ekapolon.”

Esek. 37:6 Iomraidhean Croise

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

Ŋikiru. 104:30

Ani iinakini iyoŋ ekieŋanu neni a ŋisubuna kon, eyakaunosi nakwap, iwuanakini iyoŋ nakwap ŋisubuna kon ŋulukitet;

Awos. 6:3

Abu ayoŋ otakanu neni ka Aburaam, Isaka ka Yakob ikwapei Akuj ŋina Etiron, nai alokiro kaŋ a ŋolo enyaritae ‘Arae Ayoŋ ŋina Arae Ayoŋ’ abu ayoŋ nyeteyenikin ikes.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Esek. 11:10

Ikimunyaryo iyes a ekileŋ, akatubokini ayoŋ iyes alokukorin a ŋulu ka akwap a Isirael; ido iyenunete iyes atemar arae ayoŋ Ekapolon.

Esek. 11:12

Ŋun nai iyenuniata iyes atemar arae ayoŋ Ekapolon ŋolo nyiwuapa iyes ŋuna atubunit ayoŋ atemar kiwuapa ka ŋolo nyiwuapa iyes ŋikisila keŋ, nai iwuapa iyes ŋikisila a ŋakwapin a ŋuna eyakasi nawaetin kus.”

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Esek. 32:15

Ani eturuwori ayoŋ akwap a Ijipit ŋina emam ibore eyai, apaki ŋina edaunor ibore eyai tooma keŋ, apaki ŋina aarya ayoŋ ibore daadaŋ ŋini sek ayari alotooma keŋ, eyenunete nai Ŋijipitian atemar arae ayoŋ Ekapolon.’

Esek. 34:27

Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Esek. 35:12

Iyenunete iyes atemar adau ayoŋ Ekapolon akiirar ŋakiro daadaŋ ŋuna iyanyata iyes imanito ŋikamukumukui a Isirael irworosi ibasi, ‘Aruwor ikes ŋulu asilok, ikiinakin iwon amunyar ŋituŋa kec atipei.’

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Esek. 35:9

Eketuruwori ayoŋ iyoŋ neni asilon ŋikaru ka ŋikaru, mam nabo jik nyiboikinosi ŋituŋa lotaunio kon. Ŋun nai iyenuniata iyes atemar arae ayoŋ Ekapolon.

Esek. 37:14

Ewuakini ayoŋ etau kaŋ neni kus ka iyarunete iyes. Ekesiboikini ayoŋ iyes nakwap kus ka iyenunete nai iyes atemar ayoŋ Ekapolon adau alimun ŋun, ido etiyakini ŋun.’ ”

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Esek. 39:6

eyakuuni ayoŋ akim bu nakwap Magog ka neni a ŋituŋa a ŋulu iboiyete anakiboisyo a ŋuna emam awasya alodiyete anam; eyenunete ŋituŋa ŋul atemar arae ayoŋ Ekapolon.’

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Yoel 2:27

Nen nai iyenuniata iyes atemar ayai ayoŋ Isirael, arae ayoŋ Ekapolon Akuj kus, mam Akuj ace; mam nabo nyirumete ŋileec ŋituŋa kaŋ.”

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Ŋikis. 29:6

Nyenyama iyes amugati ka nyemata iyes epiini, kori ŋagwe ŋuna adwarak, ikotere iyenuniata iyes atemar arae Ekapolon Akuj kus.