Esek. 37:28 - Ebaibul

²⁸ Eyenunete nai ŋituŋa a ŋakwapin atemar ayoŋ Ekapolon etaleu Ŋisirael, eyenunete ikes ŋun apaki ŋina ewuakinia ayoŋ akibois kaŋ ŋina asegan neni a Ŋisirael ŋikaru ka ŋikaru.’ ”

Esek. 37:28 Iomraidhean Croise

Ŋikiru. 102:15

Itopoloorete ŋakwapin ekiro ŋolo ke Ekapolon, itopoloorete ŋirwosi ka akwap a daadaŋ apolou kon,

Ŋikiru. 126:2

Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Ŋikiru. 79:10

Kaanukiro imyekinia iyoŋ ŋituŋa a ŋakwapin iŋitasi ebe, “Ai mono eyai Akuj kec?” Kitoodik ŋakwapin iteo isua atemar inyaŋa iyoŋ ŋiketiyak kon ŋulu aponi toarae.

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Awos. 31:13

“Kirwor iyoŋ elope neni a Ŋisirael tema, ‘Emaikina iyes totamunito akoloŋit ŋina a Sabato, anerae erae Sabato akoloŋit ŋina itoodiunit acamuna kaŋ ka iyes ananyameta kus a daadaŋ, akoloŋit ŋina abu ayoŋ okoinak iyes, ikotere iyenunete atemar ayoŋ Ekapolon abu eketuruwo iyes ŋituŋa kaŋ ke elope.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 36:23

Etoodiuni ayoŋ asegis ŋina a ekiro kaŋ a ŋolo apolon nooi, a ŋolo ajamuwasi ŋakwapin ka a ŋolo ijamuwasi iyes alotuŋa a ŋakwapin. Eyenunete nai ŋituŋa a ŋakwapin atemar arae ayoŋ Ekapolon apaki ŋina etoodiunor ayoŋ aneni kus neni kec arae ŋolo aseg.

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Esek. 38:1

Abu Ekapolon kirwor neni kaŋ tema,

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:23

Eyenunete daŋ ŋituŋa a ŋakwapin atemar apotu Ŋisirael kielar nakwapin aŋuna ka asecit kec, anerae apotu ikes tojoŋoto akikinyomit ayoŋ. Aŋuna aponiata ikes kitiya ŋun, abu ayoŋ nyesiŋolikin ikes ka abu epotok ikes napedor a ŋimoe kec ka aponi toarae ikes daadaŋ.

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Esek. 43:7

Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 26:11

Ewuakini ayoŋ akibois kaŋ ŋina eboiyo kidiŋ kus, ido nyakaŋeri ayoŋ iyes.

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Mat. 23:17

Iyes ŋibaŋaanotin ŋulu imudukaka! Nyo epol, egolid kori Akai ka Akuj ŋina iteseguni egolid?

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.