Esek. 37:26 - Ebaibul

²⁶ Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Esek. 37:26 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Akisy. 9:16

Ani emini alokakinet lodouwon, eŋolikini ayoŋ iŋes, ido otamu acamunet ŋina a ŋikaru ka ŋikaru ŋina ikiyakar ayoŋ ka ibore daadaŋ ŋini eyari, ŋini eyai nakwap.”

2 Sam. 23:5

“Nyiyookino mono ŋituŋa a ekal kaŋ aneni ka Akuj a? Nyikicamuna mono Akuj ka ayoŋ anacamunet a ŋina a ŋikaru ka ŋikaru, a ŋina etemokin ka emam ituŋanan elemari a? Mam mono nyisiyookini iŋes aiuno kaŋ, ido okoinak ayoŋ ŋuna eitanit daadaŋ a?

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Awos. 15:17

Iyai iyoŋ ŋituŋa kon kisiboik ikes lomukura kon a elope, nakibois ŋina ibu iyoŋ Ekapolon kituruwo ŋina kon, nakibois ŋina asegan ŋina ibu iyoŋ Ekapolon kitemok a ŋakan kon.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 31:27

Alimu Ekapolon ebe, “Kire jik, eponito ŋirwa ŋulu elelebikinia ayoŋ nakwap a Isirael ka nakwap a Yudaya ŋityaŋ ka ŋituŋa.

Yer. 31:31

Alimu Ekapolon ebe, “Kire jik, eponito ŋirwa ŋulu ewuakinia ayoŋ acamunet ŋinakitete ŋina ikicamunor ayoŋ ka ŋituŋa a Isirael ka ŋulu a Yudaya.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Esek. 11:16

Aŋun tolimok ikes atemar ŋakiro ŋuna irworo Ekapolon Akuj ikes nu, ‘Tari daŋ keritarit ayoŋ ikes nakwapin ŋuna alalak, eruwor ayoŋ aiunit ikes apaki ŋina euruwuana ŋina eyakatar ikes nakwapin ŋuna alwanak ka tari daŋ keelarit ayoŋ ikes nakwapin ŋuna alalak, eruwor ayoŋ aiunit ikes apaki ŋina eyakatar nakwapin ŋun.’

Esek. 16:60

Nai eriŋa ayoŋ ericit acamunet kaŋ ka iyoŋ, ŋina aponi iwon tocamunetei eriŋa iyoŋ irae asorokit, nabo ewuakini ayoŋ acamunet kaŋ ka iyoŋ ŋinaruba.

Esek. 16:62

Ewuakini ayoŋ acamunet kaŋ ka iyoŋ, iyenuni iyoŋ atemar arae ayoŋ Ekapolon.

Esek. 20:37

Ekedari ayoŋ iyes ejok nooi ka eketuruwori ayoŋ iyes ŋulu iwuapito acamunet kaŋ ka iyes.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 36:10

Etalalauni ayoŋ ŋituŋa kus, elalata nooi Ŋisirael daadaŋ. Iboikinosi iyes lotaunio ka idukete nabo ŋitaunio ŋulu keponi kimyekinae ŋamoru bon etukosi.

Esek. 36:11

Etalalauni ayoŋ ŋituŋa kus ka ŋibaren kus. Iyatakinosi ka epitunete. Ilalakunete iyes nooi akilo neni paaran sek ka etiyae ayoŋ neni ŋuna ajokak nooi iloito ŋuna ke ekiŋaren. Iyenunete nai iyes atemar arae ayoŋ Ekapolon.

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Esek. 43:7

Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Esek. 43:9

Emaikina ikes tokona toesikis akilip neni a ŋakujo a ŋace ka kiteekasi anakibois kaŋ ŋawat a ŋirwosi kec, nen nai apedorya ayoŋ akiboikin neni a Ŋisirael ŋikaru ka ŋikaru.”

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Sakar 2:5

Ayoŋ elope aruwor arwatata ŋina ikwaan ka akim, arwatata ŋina irimokinit Yerusalem kidiŋ, ido ayoŋ elope apolokini.’ ”

Ekim. 25:12

Aŋun, tolimok Pineas ebe, ‘Ikicamun ayoŋ ka iŋes anacamunet kaŋ a ŋina ke ekisil.

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋibur. 6:14

Abu kikoŋ tema, “Kire jik eketerereŋi ayoŋ iyoŋ ka akainakini ŋipapae ŋulu alalak.”