Esek. 37:24 - Ebaibul

²⁴ “‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Esek. 37:24 Iomraidhean Croise

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋakit. 9:6

Toesikisi abaŋao kus, ikotere iyarete, kiboiyoto irae ŋulu iyakatar ayenut.”

Ekal. 12:11

Ikwaan ŋakiro a ŋikaosok ka ŋamorokin ŋuna eiitaaka ŋuna isitiyaete ŋikeyokok a ŋamesekin akiyokiyo, ikwaan ŋakitadapeta ŋuna igirito ŋikaosok ka ŋisumari ŋulu egogoŋ aneni ibubukinitoe. Erae Akuj abu inak ŋikaosok ŋakiro ŋun, Akuj ŋina erae Ekeyokon yok a daadaŋ.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 30:21

Ebuni erwosit kec alotuŋa kec pei, ebuni ekepukan kec alotuŋa kec pei. Ebuni iŋes neni kaŋ apaki ŋina anyaraa ayoŋ iŋes, anerae mam ituŋanan ebuni neni kaŋ pa kenyaritae.

Yer. 30:9

Nai epote ikes akitiyanakin Ekapolon Akuj kec ka eletonit a Daudi ŋolo aseuni ayoŋ aŋuna kec.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Yer. 33:22

Ikwaŋina nyepedorotor ŋiboorei ŋulu alokidiama akimarun ka nyepedorere asinyon ŋina ka anam akipimun neni etya, ikwaŋinapei etalalauni ayoŋ ŋiletok a eketiyan kaŋ a Daudi ka ŋilepi ŋulu eketiyanakinete ayoŋ.”

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 21:27

Ibore koŋin! Ibore koŋin! Eturuwori ayoŋ iŋes ibore koŋin! (Nyituruworyo iŋes ŋinapei ibore koŋin,) akitodol ŋina ebunio ŋini aseu ayoŋ akisican iŋes; neni a ŋin iŋes epotokini ayoŋ etaun ŋol.’ ”

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:22

Eturuwori ayoŋ ikes apukan apei anakwap alokidiama ŋikamukumukui ŋulu a Isirael. Ipukae ikes daadaŋ erwosit epei bon, mam nabo nyetyakasi ikes toruwor ŋakwapin ŋaarei, kori ŋapukasinei ŋaarei.

Esek. 37:25

Iboiyete ikes anakwap a ŋina abu ayoŋ oinak Yakob eketiyan kaŋ, anakwap a ŋina apotu atapapaa kec kiboiyoto. Iboiyete ikes a nen ka ŋidwe kec ta ŋipapae kec ŋikaru ka ŋikaru. Daudi eketiyan kaŋ iŋes eruwor ekepukan kec ŋikaru ka ŋikaru.

Esek. 45:7

“Emaikina daŋ totyakakinae akibois neni a ekepukan. Emaikina ŋun totyakunae ameun alokukoru a ŋolo alo To akibois ŋina asegan tomyaa To Nanam Mediteranian ka alokukoru a ŋolo alo Kide akibois ŋina asegan, emaikina akibois ŋin tomyaa tari lokukor ŋolo ka akwap a Ŋisirael alowae a ŋolo alo Kide. Iriyanikin akibois ŋin eoya ka ŋina einakinitae lokabilae a Isirael.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Luk. 1:32

Erwoniar iŋes ka enyarao Lokoku ka Akuj a ŋina alokidiama nooi. Isiboikini Akuj iŋes lokicoloŋ a papa keŋ Daudi.

Yoa. 10:11

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

1 Ŋikor. 11:2

Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

1 Yoa. 2:6

Ituŋanan ŋini ebala, “Ikirukit ka Akuj,” itemokino iŋes iboi ikwaŋina eboiyo Yesu Kristo.