Esek. 36:5 - Ebaibul

⁵ Alimu tokona Ekapolon Akuj ebe, ‘Erworo ayoŋ anaŋoit kaŋ aŋina alilitor nooi emanit ŋakwapin ŋunace ka emanit Edom ŋina apotu ŋituŋa keŋ alotooma aleleyanu ka ajamuwarit kikamasi akwap kaŋ toruwor ŋina kec aŋuna ka aŋatar ŋadakarisinei keŋ.’

Esek. 36:5 Iomraidhean Croise

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 49:1

Alimu Ekapolon ŋakiro nu aŋuna a Ŋiamoni: “Emamukatar mono Ŋisirael ŋidwe ŋulusapa a? Emamukatar mono ikes ekeruman a? Kaanukiro nai emyekiniata ikes ŋikelipak neni a Milikom ikamarete akwap a ŋituŋa a Gad? Kaanukiro eboikinotor ŋituŋa ŋulu ilipete Milikom lotaunio a ŋituŋa a Gad?

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Esek. 36:3

Todwar tokona tolimok ŋituŋa ŋulu eyakasi lokamukumukui a Isirael atemar alimu Ekapolon Akuj ebe, ‘Aŋuna aponiata ŋimoe kon ikitisilut iyoŋ kire ka ikinyasut iyoŋ alowaetin a daadaŋ, toruwor iyoŋ akwap a ŋituŋa a ŋakwapin a ŋunace ka aŋuna ibunio iyoŋ toruwor ŋina ikirworotor ka ikiyanyete ŋituŋa a ŋakwapin,’

Esek. 36:6

Aŋun, todwar ŋakiro ŋuna ka akwap a Isirael, tolimok ŋituŋa ŋulu eyakasi lomoru, lokamukumukui ka nayona ŋuna eya ŋakipi ta ŋulu eyakasi nakadipaalae atemar alimu Ekapolon Akuj ŋakiro nu ebe, ‘Erworo ayoŋ ananyunyura kaŋ a ŋina alilitor aŋuna iryamuniata iyes ŋican ŋulu ikiyanyata ŋituŋa a ŋakwapin.’

Esek. 38:19

Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Obad. 1:12

“Nai pa etemokino iyoŋ towo kiteo ŋiletok alokaato kon, akoloŋit ŋin ŋina ekamaryata ŋituŋa ikes; pa etemokino iyoŋ tolakar aŋuna ka amunyaryo, a ŋidwe a Yuda a ŋulusapa, akoloŋit ŋin; pa etemokino iyoŋ torem ikes, akoloŋit ŋin ŋina ayakatar ikes locan.

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Sakar 1:14

Tema nai emalaika ŋolo ikirworo ka ayoŋ neni kaŋ, “Kisera ŋakiro nu, ‘Amina ayoŋ nooi Yerusalem ka Sion,

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Mar. 3:8

Yerusalem, Idumea; ka anakwap a ŋina alokekwaye Yorodan ka ŋice daŋ alokidiŋ Tiro ka Sidon. Tocunun ŋituŋa ŋulu alalak neni keŋ, aŋuna sek kiiraritotor ŋuna ajokak ŋuna etiyae Yesu.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.