Esek. 36:27 - Ebaibul

²⁷ Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 36:27 Iomraidhean Croise

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 37:14

Ewuakini ayoŋ etau kaŋ neni kus ka iyarunete iyes. Ekesiboikini ayoŋ iyes nakwap kus ka iyenunete nai iyes atemar ayoŋ Ekapolon adau alimun ŋun, ido etiyakini ŋun.’ ”

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Esek. 43:11

Ekaku kiruma ikes ŋileec anakiro a daadaŋ a ŋuna etiyata ikes, emaikina iyoŋ kiteyenik ikes epite ŋolo itamitere Akai ka Akuj, ibore ŋini emaikina todukokinae nen, ŋirotin ŋulu emaikina eya nen, ŋipukei ŋulu emaikina eya nen ka ibore daadaŋ ŋini emaikina eyai enen; kiteyenik ikes ŋakiro daadaŋ ŋuna adau Akuj atubun aŋuna a Akai a ŋin kaapei ka ŋikisila ŋulu iwuapitae a nen. Kigir ŋakiro ŋun daadaŋ alokiŋaren kec, ikotere ikes eruwor ŋulu iwuapete epite ŋolo itamitere Akai ŋin ka ŋulu iwuapete ŋakiro daadaŋ ŋuna adau Akuj atubun aŋuna a Akai a ŋin.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Luk. 11:13

Kipedorete nai iyes ŋulu iroko ainakin ŋidwe kus ibore ŋini ajokan, nyepedori nai Papa kus ŋolo anakuj ŋolo ejok nooi akilo iyes ainakin Etau ŋolo Asegan neni a ŋulu iŋitasi a?”

Ŋirom. 8:9

Nai nyiyarete iyes alopitesyo a ŋulu ka aseconu, nai iyarete alopitesyo a ŋulu ecamitor Etau ŋolo ka Akuj iyes toyaryata--ikwapei kire eyakar Etau ŋolo ka Akuj tooma kus. Ituŋanan ŋini nyeyakar Etau ŋolo a Kristo, nyerae ŋini a Kristo.

1 Ŋikor. 3:16

Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a?

Ŋigal. 5:16

Ŋakiro ŋuna erworo ayoŋ ikes nu: kimyekisi Etau ŋolo ka Akuj kipuka akiyar kus, nyikipuka nai iyes ekibure ŋolo ka aseconu a ituŋanan.

Ŋigal. 5:5

Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋikis. 30:8

Iwuapete nai nabo iyes ŋakiro ŋuna ke Ekapolon, iricito ŋakiciketa keŋ daadaŋ ŋuna ekecik ayoŋ iyes nakoloŋit na,

Ŋikol. 2:6

Ikwapei nai icamuniata iyes Yesu Kristo erae Ekapolon kus, torubakisi iyarete anakimorikina ka iŋes.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Yoa. 3:24

Ikes daadaŋ ŋulu iricakinito Ŋakiciketa keŋ, iboiyete alotooma keŋ ka iboi iŋes alotooma kec. Epite lo iŋes ikiyenia iwon atemar iboi iŋes alotooma yok, aŋuna ke Etau a ŋolo ikiinak iŋes iwon.

2 Yoa. 1:6

Erae na amina: itemokino iwon ewuapa Ŋakiciketa keŋ. Akiciket ŋina ipotu iyes kiirasi ŋinapei anakisyakinet iŋes na: itemokino iyes daadaŋ iboiyete iminin.