Esek. 36:26 - Ebaibul

²⁶ Akainakini ayoŋ iyes ŋitai ŋulukitet ka ewuakini ayoŋ ŋatameta ŋunakitet neni kus; alemari ayoŋ aneni akisyaanu kus okoinak iyes ŋitai ŋulu iwuapito ŋakiro kaŋ.

Esek. 36:26 Iomraidhean Croise

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Sakar 7:12

Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Mat. 13:5

Todoto ŋice loŋaro neni amam ŋalup ŋuna alalak, toruput atipei, anerae akudyoko ŋalup.

Luk. 5:38

Nai etikanakinio ewinyiwiny lotwol ŋulu kitet!

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Ŋigal. 6:15

Anerae nyerae akileŋerit kori amamukau akileŋeryo epol alotooma ituŋanan; ibore ŋini epol iŋes aruwor ituŋanan ŋini kitete.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”

1 Sam. 10:9

Ani erotokini Saul aneni a Samuel, kitegelaan Akuj iŋes; kiyookin akoloŋit ŋin ŋakiro daadaŋ ŋuna a erwosit Samuel.