Esek. 36:25 - Ebaibul

²⁵ Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Esek. 36:25 Iomraidhean Croise

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Ŋikiru. 51:9

Kisyoni ayoŋ ŋasecisya kaŋ, kikisa aronis kaŋ daadaŋ.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Isa. 4:4

Ani kedau Ekapolon akitesegun ŋaberu ŋuna a Sion anasiilyo kec, italeuni ikes anakiar ŋituŋa alo Yerusalem. Italeuni iŋes ikes a etau a ŋolo etubere ŋakiro ka a etau a ŋolo ka akim.

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Yer. 33:8

Etaleuni ayoŋ ikes anasecit a daadaŋ a ŋina esecito ikes neni kaŋ, esyoni ayoŋ ikes aŋuna ka asecit kec a daadaŋ a ŋina aponiata okoŋeryoto ayoŋ.

Esek. 16:9

Abu nai ayoŋ ekeloŋa iyoŋ a ŋakipi, eloŋa ŋaokot aneni kon, ekeosak iyoŋ akimyet.

Esek. 36:17

“Lokoku a ituŋanan, apaki ŋina eboiyoto Ŋisirael anakwap kec, apotu ikes tomunaasi akwap kec alopitesyo kec ka aloticisyo kec. Apotu ŋipitesyo kec kikokis eketisiilyanete ayoŋ ŋulu ka aberu a ŋina eyai lolap.

Esek. 36:29

Akaiuni ayoŋ iyes alopitesyo a daadaŋ a ŋulu nyijoketa iyes aneni kaŋ. Alimuni ayoŋ akirot neni a ŋikinyom ŋina italalauni ikes nooi, ikotere iyes nyiryamut eron ece jik.

Esek. 37:23

Nyemunaarete nabo ikes ŋawat kec a ŋakujo kec ka anamuja aŋuna nyenyamio, kori anasecit kec ka adio. Aiuni ayoŋ ikes anasecit a daadaŋ a ŋina emyekiniata ikes akitiya ŋuna alimokinitae, etaleuni ayoŋ ikes. Eruwor nai ikes ŋituŋa kaŋ ka aruwor ayoŋ Akuj kec.

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Ŋilep. 16:30

anerae eruwor akoloŋit ŋin ŋina ikimookunere iyes, ikitaleun. Iruworosi nai iyes ŋulu nyikitoroniyaritae alokiŋaren Ekapolon aŋuna a ŋasecisya kus a daadaŋ.

Mika 5:12

Amunaari ayoŋ ŋiboorei ŋulu inapito iyes itisibito eyakatar apedor, ekemyek iyes imamukatar ŋimurok.

Ekim. 8:7

Kitiya nu neni kec kitaleunio ikes: Towuatak ikes ŋakipi ŋuna kitaleunet, tolimok ikes tobanya a ewembe ŋawat kec daadaŋ ka kilotasi ŋilowi kec, kitaleunos.

Yoa. 13:8

Tolimok Petero Yesu tema, “Mam jik nyilotari iyoŋ ŋakaakejen!” Toboŋok Yesu iŋes tema, “Ani pa kelota ayoŋ ŋakejen kon, nyikiruki iyoŋ ka ayoŋ nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Ŋitic. 22:16

Nyo nai tokona eriŋa iyoŋ idarit? Tonyou, ikibatisae ka kilip alokiro a Yesu, ido kisyoni ŋasecisya kon.’

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 9:19

Aŋun, abu Moses tolimok ŋituŋa ŋakiro daadaŋ ŋuna aponi kicikakinae iŋes lopite ŋolo egiritere Lokisila. Tolemu nai ŋaokot a ŋitak a ŋulu moŋin ka ŋuna a ŋamee kimorik ka ŋakipi. Ani irikakin, tolemu ateni ŋina aya ŋakwii alokitoe a ŋolo anyaritae Isop ka ŋajul ŋuna areŋak ŋuna a ŋamesekin, ido towuasya ekitaabo ŋolo a Ŋikisila ka ŋituŋa daadaŋ.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.