Esek. 36:18 - Ebaibul

¹⁸ Aŋun, abu ayoŋ onyunyurikin ikes nooi, aŋuna a ŋituŋa a ŋulu apotu ikes toarakis nakwap kec ka aŋuna aŋakujo a ŋuna aponiata ikes tomunaaryata akwap kec.

Esek. 36:18 Iomraidhean Croise

2 Ŋakiro a ŋirwa 34:21

“Toloto toanyutu aneni ke Ekapolon ŋakiro ŋuna ekekamunito ayoŋ ka ŋituŋa ŋulu idoŋito Isirael ka Yudaya, anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a Ekapolon, nyitiya ikes lopite ŋolo ecamuna ka ŋuna daadaŋ igiritae tooma lokitaabo lo.”

2 Ŋakiro a ŋirwa 34:25

Aŋuna akaŋeryoto ikes ayoŋ ka aŋuna ainakiniata ŋainakineta neni a ŋakujo a ŋace, adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

2 Ŋakiro a ŋirwa 34:26

Nai tolimokisi erwosit a Yudaya ŋolo ikiyakuunit iyes akiŋitun ŋakiro aneni ke Ekapolon atemar, ebala Ekapolon ŋolo erae Akuj a Ŋisirael, ikote ne ŋakiro ŋuna ibu iyoŋ kiira,

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 44:6

Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Aum. 2:4

Amunya Ekapolon ŋituŋa keŋ ŋulu sek ikinyomit, amunya Ekapolon ŋituŋa daadaŋ ŋulu sek ikiruunitor iwon alotuŋa a Sion; amunya Ekapolon ŋituŋa keŋ anaŋoit lopite ŋolo enyamuwarya akim ibore.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 14:19

Kori ani keyakiya ayoŋ edeke nakwap ŋin, obuko anakwap a ŋin ŋaokot alotooma anyunyura kaŋ, oar ŋituŋa ka ŋibaren a akwap a ŋin,

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Esek. 22:20

Lopite ŋolopei ecunakiniata ŋituŋa lokitet esilipa, eburonis, ŋasuwa ŋunagogoŋ, ŋasuwa ŋuna apotyok ka ŋasuwa ŋuna enyaritae tin, akacunakini ayoŋ iyes Yerusalem ekenokak aŋuna ka aŋoit ka anyunyura kaŋ.

Esek. 22:22

Lopite ŋolopei etalanarere esilipa alokitet, iyes daŋ ikitalaryo alo Yerusalem ka iyenunete iyes atemar ayoŋ Ekapolon abuku anyunyura kaŋ neni kus.”

Esek. 23:37

anerae adaut ikes akilom ka akiar. Amalaan ikes anakujo kec; adaut tari akiar ŋidwe kec erae ŋamuronisya ŋuna einakinitae neni a ŋakujo erae akimuj, nai arae aŋuna kaŋ auruunere ŋidwe ŋul.

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Esek. 39:23

Eyenunete daŋ ŋituŋa a ŋakwapin atemar apotu Ŋisirael kielar nakwapin aŋuna ka asecit kec, anerae apotu ikes tojoŋoto akikinyomit ayoŋ. Aŋuna aponiata ikes kitiya ŋun, abu ayoŋ nyesiŋolikin ikes ka abu epotok ikes napedor a ŋimoe kec ka aponi toarae ikes daadaŋ.

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.