Esek. 36:15 - Ebaibul

¹⁵ Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Esek. 36:15 Iomraidhean Croise

Ŋikiru. 123:3

Kisyoni isua, okoe Ekapolon, kisyoni isua; anerae adaun isua akidaŋidaŋ ajamuwarit ŋina alalan.

Ŋikiru. 89:50

Okoe Ekapolon, kiŋolik epite ŋolo ekeyenyere ayoŋ eketiyan kon; kiŋolik epite ŋolo edaŋidaŋia ayoŋ alotau ŋiyany a ŋituŋa,

Isa. 54:4

Nyikuryaketa, anerae nyikisirumyo iyes ŋileec nyikikadanak, anerae nyikijamuwaryo iyes. Nyitamunete nabo iyes ŋileec ŋulu iyakatar iyes eriŋa isorokaka, nyitamunete nabo iyes ŋiyany ŋulu iboiyoto iyes isibito ŋapuseru.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 63:13

Ŋae abu kisitor ikes nenicukul? Apotu ikes torubakis egogoŋ analoŋisat lopite ŋolo egogoŋio aŋole.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Esek. 21:28

“Iyoŋ lokoku a ituŋanan, todwar ebe, ‘Alimu Ekapolon Akuj ŋakiro nu aŋuna a Ŋiamoni ka Ŋiyany kec, Ekileŋ! Ekileŋ! Etemokin ekileŋ aŋuna ka aarya, apwasi aŋuna ka amunyarya ka ipareo ikwa akimilyaunet.

Esek. 22:4

Iruworosi iyes ŋikasecak aŋuna iaryata ŋituŋa ŋuluce ka imunaarosi iyes anakujo a ŋuna itiyaut iyes. Itaapuut iyes akoloŋit kus, adaun ŋikaru kus. Aŋun, eketuruwori ayoŋ iyes ŋulu ikikyenare anakwapin ka ŋulu ikisoloo anakiboisyo a daadaŋ.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 36:14

Nai ameun tokona tari momit nyeruwor nabo jik akwap a Isirael ŋina enyami ŋituŋa ka ŋina ikidemanari iyes ŋidwe kus. Ayoŋ Ekapolon Akuj alimu ŋun.

Esek. 36:16

Abu nabo Ekapolon kirwor neni kaŋ tema,

Esek. 36:6

Aŋun, todwar ŋakiro ŋuna ka akwap a Isirael, tolimok ŋituŋa ŋulu eyakasi lomoru, lokamukumukui ka nayona ŋuna eya ŋakipi ta ŋulu eyakasi nakadipaalae atemar alimu Ekapolon Akuj ŋakiro nu ebe, ‘Erworo ayoŋ ananyunyura kaŋ a ŋina alilitor aŋuna iryamuniata iyes ŋican ŋulu ikiyanyata ŋituŋa a ŋakwapin.’

Esek. 36:7

Aŋun, alimu tokona Ekapolon Akuj ŋakiro nu ebe, ‘Ekoŋi ayoŋ ekyaarit akan atemar ejamuwaryo ŋakwapin daadaŋ ŋuna idunyatar iyoŋ, eryamunete ikes daŋ ŋican.’

Esek. 38:18

Akoloŋit ŋin ŋina ebunio Gog akirem akwap a Isirael, emini anyunyura neni kaŋ nooi.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Sepan. 2:8

“Adau ayoŋ akiirar ŋiyany a ŋituŋa a Moab ka ŋilam a Ŋiamoni, ŋulu alomakiniata akilam ŋituŋa kaŋ, ido itubulito ŋituŋa kaŋ anakwap kec.

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.