Esek. 36:12 - Ebaibul

¹² Ekenyakuni ayoŋ iyes ŋikaatuŋa Ŋisirael, iboŋunete iyes kiboikinos nabo nakwap kus. Eruwor iŋes akwap kus a ŋilopeyek, nyitanyami nabo akwap ŋin ŋidwe kus akoro.

Esek. 36:12 Iomraidhean Croise

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Yer. 15:7

Abu ayoŋ ekemasana iyes alotaunio a daadaŋ, lopite ŋolo ekutarya ekuwuam ŋikabinin, adau ayoŋ akiyaloloŋ aŋuna kec, adau ayoŋ amunyar ŋituŋa kaŋ, anerae apotu ikes nyilocokis ŋipitesyo kec ŋulu aronok.

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 32:44

Egyelyo ŋimanikorin a ŋisiliŋa, iwuakinete ŋituŋa ŋakan kec nabaruwae ŋuna ka acamunet a ŋina egyelere ŋimanikorin ŋul, ido togolokinoe ŋabaruwae ka emaikina toyakas ŋisuudae, itiyakin nu anakwap a Benjamin, anakiboisyo a ŋuna idunyito Yerusalem, lotaunio a Yudaya, anakwap a ŋina a ŋikamukumukui, alo Sepela, alo Negeb, anerae enyakuni ayoŋ ŋituŋa nakwap kec. Adau ayoŋ Ekapolon alimun ŋun.”

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 34:13

Ayauni ayoŋ ikes alotuŋa a ŋakwapin, acununi ayoŋ ikes anakiboisyo, oyau tooma nakwap kec, eyok ikes alokidiama ŋikamukumukui a Isirael, alodiyete ŋayona ŋuna eya ŋakipi ka aneni daadaŋ iboikinosi ikes alo Isirael.

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 36:13

“Alimu Ekapolon Akuj ŋakiro nu ebe, ‘Erae kire atemar enyarito ŋituŋa akwap a Isirael ŋina enyami ŋituŋa ka akwap kus.

Esek. 47:14

Emaikina iyes totyakatyakata akwap eriyan, abu ayoŋ ekoŋ ainakin akwap na neni atapapaa kus, eruwor akwap na ŋina kus.

Ekim. 13:32

Aŋun, apotu ikes tolimokis Ŋisirael ŋakiro ŋuna pa ajokak aŋuna ka akwap a ŋina alosito ikes akireb temasi, “Akwap daadaŋ ŋina arebi isua, erae akwap ŋina emunyanarotor ŋituŋa, nabo ŋituŋa ŋulu aponi isua kiŋolikinae anakwap a ŋin eburok nooi, mam ituŋanan isikwaanare anakwap a daadaŋ.