Esek. 36:11 - Ebaibul

¹¹ Etalalauni ayoŋ ŋituŋa kus ka ŋibaren kus. Iyatakinosi ka epitunete. Ilalakunete iyes nooi akilo neni paaran sek ka etiyae ayoŋ neni ŋuna ajokak nooi iloito ŋuna ke ekiŋaren. Iyenunete nai iyes atemar arae ayoŋ Ekapolon.

Esek. 36:11 Iomraidhean Croise

Yob 42:12

Abu nai Ekapolon kiterereŋ Yob alorwa keŋ a ŋulu esidyok akilo ŋulu a ekiŋaren; abu Yob toyakaunor ŋamesekin ŋalipyo ŋatomon ka ŋaomwon, ŋikaala ŋalipyo ŋakanikapei, ŋimoŋin ŋalipyo ŋaarei ka ŋisigirya aliput.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 31:27

Alimu Ekapolon ebe, “Kire jik, eponito ŋirwa ŋulu elelebikinia ayoŋ nakwap a Isirael ka nakwap a Yudaya ŋityaŋ ka ŋituŋa.

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Esek. 16:55

Ani eruwor ŋakaitotoi kon Sodoma ka ŋirerya keŋ ka Samaria ka ŋirerya keŋ, eyakaun ejok lopite ŋolo sek ayakatar ekiŋaren, iyoŋ daŋ ka ŋirerya kon iyakaun ejok lopite ŋolo sek iyakar.

Esek. 35:9

Eketuruwori ayoŋ iyoŋ neni asilon ŋikaru ka ŋikaru, mam nabo jik nyiboikinosi ŋituŋa lotaunio kon. Ŋun nai iyenuniata iyes atemar arae ayoŋ Ekapolon.

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Esek. 37:13

Iyenunete nai iyes ŋituŋa kaŋ atemar arae ayoŋ Ekapolon apaki ŋina aŋaarya ayoŋ ŋalyalin kus, ekepudu iyes analyalin kus.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Esek. 37:6

Ewuanakini ayoŋ ŋamori neni kus ka emyekini ayoŋ akiriŋ itarapuwa iyes, tosodi nai okarapuwa ayoŋ iyes a amuny a ŋina ka akuwan; ewuakini ayoŋ ekieŋanu neni kus toruwor iyes ŋulu iyarete, ido iyenunete iyes atemar arae ayoŋ Ekapolon.”

Osea 2:1

Aŋun, tolimok ŋituŋa kon Ŋisirael ebe erae ikes, “Ŋituŋa ŋulu ka Akuj” ka “Ŋiminan ŋulu ke Ekapolon.”

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Amos 9:15

Iyes Ŋisirael, ekewuakini ayoŋ iyes nakwap kus, mam ituŋanan ikilemari iyes nabo anakwap a ŋina akewuak ayoŋ iyes.’ Ekapolon Akuj iŋes alimu ŋun.”

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Sakar 2:8

Aŋun, abu Ekapolon ŋolo Etiron kirwor ŋakiro nu kedau iŋes anapolou keŋ akiyok ayoŋ aŋuna a ŋituŋa a ŋulu apotu ikielasi iyes. Abu iŋes tema, “Kire jik, ituŋanan ŋini ikiari iyes, ikwaanikin ka ŋini elemari ibore kaŋ ŋini amina ayoŋ.”

Ŋikis. 30:5

ikiyauni iyes Ekapolon Akuj kus nakwap ŋina erae ŋina atapapaa kus ka eruwor akwap ŋin ŋina kus, ikitabari iŋes iyes ilounete ka akilo atapapaa kus,

Ŋibur. 11:40

aŋuna abunio Akuj totubunio ibore ŋini ajokan nooi aŋuna yok, pa acamit iŋes akituruwor ikes ŋulu iyookino kire emamukae iwon.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.