Esek. 34:27 - Ebaibul

²⁷ Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Esek. 34:27 Iomraidhean Croise

Yob 5:23

Emamukaun ŋamoru alomanikorin a ŋulu itae, iboiyete emam ŋace ka ŋityaŋ ŋulu ka ariet.

Ŋikiru. 67:6

Akoko ŋikinyom ka akwap eyatakin; Akuj ŋina erae Akuj yok iŋes ikiterereŋ iwon.

Ŋikiru. 85:12

Ikiinakini Ekapolon ibore ŋini ejok, ido tora akwap yok ŋikinyom ŋulu alalak.

Ŋakit. 3:24

Ani tari apaki ŋina iperyo iyoŋ, mam akuryanu eyakaun neni kon, ikibobokinete iyoŋ ŋajo nooi apaki ŋina iperyo iyoŋ.

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Isa. 35:9

Mam eŋatuny eyakaun nen, kori mam etyaŋ edio ŋolo adedeŋan emekini erot ŋol; nyeryamunio ikes a nen, nai ŋulu elakunitae elosete alorot a ŋol.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 30:8

Alimu Ekapolon ŋolo a ŋajoresyo ebe, “Akoloŋit ŋin alemari ayoŋ ayokot alomosiriŋin a ŋituŋa kaŋ, olema ŋiriko ŋulu eenitere ikes, nyerubakinete nabo ŋigelaanotin ituruworito ikes ŋiketiyak kec.

Esek. 28:25

Alimu Ekapolon Akuj ŋakiro nu ebe, “Ani acununi ayoŋ Ŋisirael alotuŋa a ŋakwapin a ŋuna ielakina ikes, etoodikin ayoŋ neni kec eketeete ŋituŋa a ŋakwapin arae ŋolo asegan, iboikinosi nai Ŋisirael nakwap kec ŋina abu ayoŋ oinak eketiyan kaŋ Yakob.

Esek. 30:18

Emini akiryonut naparan lotaun Teapanes apaki ŋin ŋina alemarya ayoŋ agogoŋu aneni a Ŋijipitian, esaluni agogoŋu keŋ ŋina ituror iŋes. erapuwaryo Teapanes a ŋidouwon ka ikamaryo ŋirerya ŋulu idunyatar iŋes torikoe ŋituŋa kec.

Esek. 33:29

Eyenunete nai ŋituŋa ŋul atemar arae ayoŋ Ekapolon apaki ŋin ŋina etisilunio ayoŋ akwap kec eturuwo akoŋinait aŋuna ka asiilyo a daadaŋ a ŋina adaut ikes akitiya.’

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 36:29

Akaiuni ayoŋ iyes alopitesyo a daadaŋ a ŋulu nyijoketa iyes aneni kaŋ. Alimuni ayoŋ akirot neni a ŋikinyom ŋina italalauni ikes nooi, ikotere iyes nyiryamut eron ece jik.

Esek. 36:30

Etalalauni ayoŋ ŋaraito a ŋikito ka ŋikinyom ŋulu a ŋimanikorin, ikotere iyes nyiloto nabo nakwapin aryamun eron ka ŋican.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Esek. 47:12

Elomunete alokipetotyo a ŋuluarei, a ŋulu ka a ŋolol ŋikito ŋulu a ŋikabilae a daadaŋ ŋulu enyamyo ŋaraito kec. Nyeiniyarete ŋakwii a ŋikito a ŋul, kori nyeraraun kwap ŋaraito kec, nai erayete ikes ŋaraito ŋuna ajokak a ŋololap, anerae eleleunito ŋakipi neni kec anakibois a ŋina asegan. Eruwor ŋaraito kec akimuj ka eruwor ŋakwii kec ekitoe ŋolo ikitaŋaleuni.”

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Ŋilep. 26:13

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Ŋilep. 26:4

akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.