Esek. 34:26 - Ebaibul

²⁶ Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 34:26 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 9:16

Ani emini alokakinet lodouwon, eŋolikini ayoŋ iŋes, ido otamu acamunet ŋina a ŋikaru ka ŋikaru ŋina ikiyakar ayoŋ ka ibore daadaŋ ŋini eyari, ŋini eyai nakwap.”

Ŋikiru. 133:3

Ikwaanikin ka ŋakopi ŋuna alomoru a ŋolo enyaritae Erimon, ŋuna eleleuneneete lomukur ŋulu a Sion, anerae nen iŋes adau Ekapolon akiikin ŋarereŋisyo keŋ, adau iŋes akiikin nen akiyar ŋina a ŋikaru ka ŋikaru.

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 68:16

Kaanukiro irakaanikinitotor iyes ŋituŋa ŋulu ilipete alomoru Basan ŋituŋa ŋulu ilipete alomoru a ŋolo aseu Akuj akiboiyo ŋikaru ka ŋikaru?

Ŋikiru. 68:9

Okoe Akuj, ibu iyoŋ tobuku akiru ŋina alalan nakwap; kitojoku nabo akwap kon ŋina sek abu toruwor akoŋinait.

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Isa. 19:24

Akoloŋit ŋin, eruwor Isirael ka Ijipit ta Asiriya ŋuna a ŋauni anapolou, eruworosi ikes daadaŋ ŋuna iterereŋitoe anakwap,

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 32:20

Irereŋioto iyes ŋulu itaete diyete ŋayona daadaŋ, iyes ŋulu imyekinete ŋisigirya ka ŋimoŋin kus edakasi emam ŋace.

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Ŋilep. 25:21

Ekeyakikini ayoŋ iyes ŋarereŋisyo ŋuna alalak alokaru a ŋolo a ŋikanikapei, tora akwap ŋikinyom ŋulu epedorete akitan iyes ŋikaru ŋiuni.

Ŋilep. 26:4

akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

Sakar 10:1

“Kiŋita Ekapolon akiru apaki ŋina ka akicereet. Erae Ekapolon iyakiununui ŋidouwon ŋulu ka akiru iŋes einanakini ŋituŋa akiru, iŋes itilibuni ariet aŋuna a ŋinisubuna.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.