Esek. 34:2 - Ebaibul

² “Lokoku a ituŋanan, todwar itoroniyarit ŋikeyokok a Isirael; todwar, tolimok ikes atemar alimu Ekapolon Akuj ŋakiro nu ebe, ‘Ekaŋ iyes ŋikeyokok a Isirael! Iyes ŋulu itanete ŋawat kus bon!’ Nyemaikina mono kitana ŋikeyokok ŋamesekin a?

Esek. 34:2 Iomraidhean Croise

2 Sam. 5:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Yer. 10:21

anerae imasimasit ŋikepukak, nyiŋitasi aneni ke Ekapolon ŋakiro ŋuna emaikina kitiyae; aŋun, nyerubakina ikes ipukato ka ealar ŋituŋa daadaŋ ŋulu epukato ikes.

Yer. 12:10

Amunaasi ŋikeyokok ŋulu alalak emanikor kaŋ ŋolo a ŋikito a epiini, epudakis ikes emanikor kaŋ kwap, eturuwosi ikes akwap kaŋ ŋina amina ayoŋ aloŋisat ka ereŋorot.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 23:1

Alimu Ekapolon ebe, “Ekaŋ iyes ŋikepukak ŋulu imunyasi ka ielasi ŋituŋa kaŋ anakwap kaŋ.”

Yer. 3:15

“‘Akainakini ayoŋ iyes ŋikepukak ŋulu iwuapito ŋakiro kaŋ, ikipukaete nai ikes iyes ka aosou ka ayenut.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Esek. 33:24

“Lokoku a ituŋanan, erubakinito ŋituŋa iboiyete anakiboisyo aŋuna emunaara anakwap a Isirael a ŋun ebasi, ‘Arae Aburaam ituŋanan ipei bon, ido aponi inakinae iŋes akwap ŋina abu toruwor ŋina keŋ. Nai ikilalak iwon, ikinakin kire jik iwon akwap na toruwor ŋina yok.’

Esek. 34:1

Abu Ekapolon kirwor neni kaŋ tema,

Esek. 34:14

Eyoki ayoŋ ikes neni eyakasi ŋinya ŋulu ajokak, eyakaun ŋinya kec naitae ŋuna a ŋikamukumukui a Isirael, euryanikin neni eya ŋinya ŋulu ajokak, enyamete ŋinya ŋulu etumak alokidiama ŋikamukumukui a Isirael.

Esek. 34:15

Ayoŋ elope aruwor ekeyokon a ŋamesekin kaŋ, emyekini ayoŋ ikes touryanikin.

Amos 6:4

Ekaŋ iyes ŋulu iperete alokitaadae a ŋulu isibusitae a ŋikyal a ŋitome! Ekaŋ iyes ŋulu isaanaete alokicoloŋo a ŋuludupuk, tonyamete ŋikaalei ka ŋitak ŋulu anakunak.

Sakar 11:17

Ekaŋ iyoŋ ekeyokon kaŋ ŋolocaryoit, ŋolo iesianakini ŋamesekin! Elemaryo apedor kon alojie. Einiiyari akan kon ka emudukani akoŋu kon ŋina alo teten.”

Yoa. 10:8

Ŋituŋa daadaŋ ŋulu apote eriŋa ayoŋ, arae ikes ŋikokolak ka ŋikademanarak; nai nyiirara ŋamesekin ŋakiro kec.

Ŋitic. 20:26

Aŋun, ekekekini iyes nooi napeikoloŋit na atemar, ani tokona kitutubokinosi iyes Akuj, emam ŋuna akatapito ayoŋ.

Ŋitic. 20:29

Ayeni ayoŋ atemar ani karotok ayoŋ, epote ŋipeei ŋulu adedeŋak nooi neni kus ka nyeesikinete akinyasun esipan.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

2 Ŋikor. 12:14

Erae tokona na apaki ŋina a ŋauni, ŋina atenitor ayoŋ abunio aanyun iyes ka emam ibore idio ekeŋisi iyes. Ekeitanit ayoŋ iyes, meere ŋisiliŋa kus, anerae meere ŋidwe itemokino kiŋarakis ŋikauruunak kec, kire ŋikauruunak ikes itemokino kiŋarakis ŋidwe kec.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Yud. 1:12

Anasuban kus a ŋuna ka aminanar, ikote ikes aŋoryanut, anerae elaerikinito amata nooi kaapei ka iricakinito ŋawat kec make anakimuj. Ikote ikes ŋidouwon ŋulu nyilimete, ŋulu ekutanari ekuwuam, ŋikito ŋulu emam ŋaraito nakamu, ŋulu etwakito kire torutunoe.