Esek. 34:16 - Ebaibul

¹⁶ Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 34:16 Iomraidhean Croise

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 72:2

Elipit totubonok iŋes ŋituŋa kon anakiyookino, ido kipuka ŋulu a ŋican anakiyookino.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 5:17

Epote nai ŋikaalei ŋulumesekin adaka lopite ŋolo edakatar neni sek emaikina edakasi ka edakasi ŋikaalei ŋulu itumitae ka ŋulumee loreŋoroto.

Yer. 10:24

Ekapolon kisicanae isua, nai anakiyookino, nyikisican isua anaŋoit kon, anerae acepaki ikimunyari iyoŋ isua daadaŋ.

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 31:8

Kiirasi, alosi ayoŋ ayaun ikes anakwap a ŋina alo Kuju ocun ikes alowaetin a akwap a ŋulu alwanak. Epote ikes kaapei ka ŋimudukanotin ka ŋikaŋwalak, kaapei ka ŋaberu ŋuna epotiyete ka ŋuna eryebasi aŋuna ka akidoun, eboŋunete ikes erae ŋituŋa ŋulu alalak.

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Yer. 9:15

Alimu tokona Ekapolon ŋolo a ŋajoresyo Akuj a ŋituŋa a Isirael atemar ainakini ayoŋ ŋituŋa lu ekurut ŋolo a ŋakito kimuja ka ainakini ikes tomata ŋakipi ŋuna eyai ibore ŋini aaran.

Esek. 20:34

Akayauni ayoŋ iyes anakwapin, akacununi ayoŋ iyes anakiboisyo a ŋuna aponi ikielar iyes. Akayauni ayoŋ iyes a nen a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 24:5

Toseutu anamesekin ibarasit ŋini ajokan nooi, kirepakisi ŋakito kwap amot, kidorokisi akiriŋ a ibarasit a ŋin a nen etubutubutoe, kidorokisi ŋakoyo a ibarasit a ŋin a amot a ŋin.

Esek. 34:11

Ŋakiro ŋuna irworo Ekapolon Akuj ikes nu ebe, “Ayoŋ elope ewarari ŋamesekin kaŋ, ido eyok ikes.

Esek. 34:4

Nyitogogoŋo iyes ŋamesekin ŋuna epalag, nyitaŋaleuno iyes ŋuna edyakasi, nyeena iyes ŋajemei aŋuna ewanawana, nyinyakuna iyes ŋuna eoliyorito, nyiwarara iyes ŋuna eolito, nai ipolokis iyes ŋamesekin alotooma aryenyeo ka anyunyura.

Esek. 39:18

Inyamete iyes akiriŋ a ŋituŋa a ŋulu agogoŋok ka imasete iyes ŋaokot a ŋikepukak ka akwap; esibit erae ikes ŋimeesekin, ŋikaalei ŋulumesekin, ŋikorwa ka ŋimaniko; ŋibaren ŋulu aminae akiyok alo Basan totuma nooi.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sepan. 3:19

Apaki ŋin, esicani ayoŋ ŋulu ikiimakinito iyes, aiuni ayoŋ ŋikaŋwalak, ido ocunak ŋulu ejamuwaritae, elocokini ayoŋ aleeco kec, ainakini ayoŋ ŋituŋa kitopoloosi ikes, ikotere todaun ŋileec aneni kec.

Sakar 10:3

“Ebala Ekapolon ebe, ‘Aŋoikinit ayoŋ ŋituŋa ŋulugelaanotin ŋulu ipukato ŋituŋa kaŋ, alosi ayoŋ akisican ikes. Erae ŋituŋa a Yuda ŋulu kaŋ, ido ayoŋ Ekapolon ŋolo Etiron aruwor ekedaran kec. ikwaanikin ikes aneni kaŋ ka ŋaŋolei ŋuna agogoŋok ŋuna ke ejie.

Mat. 15:24

Toboŋok Yesu ikes tema, “Ekeyakuunitae ayoŋ neni a ŋituŋa a Isirael make, a ŋulu eoliyorito ikwa ŋameseekin.”

Mar. 2:17

Ani iirari Yesu akiŋiset ŋin, tema, “Nyiitanito ŋituŋa ŋulu eŋaleete emuron, nai ŋulu edyakasi. Nyabunit ayoŋ anyarare ŋulu iyookino, nai ŋikasecak”.

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.