Esek. 34:12 - Ebaibul

¹² Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Esek. 34:12 Iomraidhean Croise

Ŋakit. 27:23

Emaikina ituŋanan eyeni ejok epite ŋolo eyakatar ŋamesekin keŋ, kidarite ejok ŋibaren kon;

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 31:8

Kiirasi, alosi ayoŋ ayaun ikes anakwap a ŋina alo Kuju ocun ikes alowaetin a akwap a ŋulu alwanak. Epote ikes kaapei ka ŋimudukanotin ka ŋikaŋwalak, kaapei ka ŋaberu ŋuna epotiyete ka ŋuna eryebasi aŋuna ka akidoun, eboŋunete ikes erae ŋituŋa ŋulu alalak.

Yer. 33:12

“Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 32:7

Ani akalemari ayoŋ iyoŋ, eteriboori ayoŋ nakuj aneni kon, esiryoni ayoŋ ŋikacer; eteriboori ayoŋ a edou akoloŋ aneni kon, nyecauni elap apaki ŋin.

Sepan. 1:15

Eruwor akoloŋit ŋin ŋina ka anyunyura, akoloŋit ŋina ka akiyaloloŋ ka aryeba, akoloŋit ŋina ka amunaaro ka akinyasuno, akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina a akiryonut cuc,

Sakar 10:3

“Ebala Ekapolon ebe, ‘Aŋoikinit ayoŋ ŋituŋa ŋulugelaanotin ŋulu ipukato ŋituŋa kaŋ, alosi ayoŋ akisican ikes. Erae ŋituŋa a Yuda ŋulu kaŋ, ido ayoŋ Ekapolon ŋolo Etiron aruwor ekedaran kec. ikwaanikin ikes aneni kaŋ ka ŋaŋolei ŋuna agogoŋok ŋuna ke ejie.

Sakar 9:16

“Ani edoluni akoloŋit ŋin, eiuni Ekapolon Akuj ŋituŋa keŋ lopite ŋolo eiunia ekeyokon ŋamesekin keŋ alocan. Ileereunete ikes anakwap ke Ekapolon a Akuj ikwa ŋasuwa ŋuna amilimilak ŋuna inaminamitae lobokot.

Luk. 15:8

“Kori ikokini ai aberu ŋina eyakar ŋisilipae ŋitomon, ido tocakar epei? Emam mono nyinokakini iŋes etaa, topyeu akai, kiwar ŋiwaetin ka akai daadaŋ tari ŋina eryamunia a?

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.