Esek. 33:7 - Ebaibul

⁷ “Aŋun, iyoŋ lokoku a ituŋanan, eketuruwo ayoŋ iyoŋ eketen Ŋisirael; apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok Ŋisirael ŋuna abala ayoŋ ikes tocoikis.

Esek. 33:7 Iomraidhean Croise

1 Ŋirw. 22:14

Nai tema Mikaia neni keŋ, “Ikwapei eyarya Ekapolon erwori ayoŋ ŋuna akalimokini Ekapolon ayoŋ.”

2 Ŋakiro a ŋirwa 19:10

Ŋakiro daadaŋ ŋuna eyaunete ŋiyeneta, kori ŋituŋa a etaun kus neni kus akitub, ŋakiro ŋuna kerae earitor ituŋanan ŋinice, kori ebilitor ŋikisila ke Ekapolon, kori ŋakiciketa ŋuna ke Ekapolon, kori etal, kori ŋuna etubunit Ekapolon, emaikina iyes tolimokis ikes kimyekis asecenen aneni ke Ekapolon; ani pa kilimokis ikes ŋun, ebuni anyunyura ke Ekapolon neni kus ka neni a ŋiyeneta kus. Kitiyata ŋun, ikotere nyiseca.

Eete a Ŋie. 3:3

Apotu ŋiketeok a etaun okoryamut ayoŋ apaki ŋina emanimaniata etaun, abu ayoŋ eŋit ikes otema, “Iŋolikinito mono iyes ŋolo emina etau kaŋ a?”

Eete a Ŋie. 5:7

Apotu ŋiketeok a etaun okoryamut ayoŋ apaki ŋina emanimaniata etaun nakwaare, apotu ekedica ayoŋ okowan, apotu ŋiketeok ŋarwatatain tolemasi akitambara kaŋ anakou.

Isa. 21:11

Ŋakiro ŋuna adwarit Ekapolon aŋuna a Duma. Akanyarit ayoŋ ituŋanan alo Seir ebala, “Ekedaran nakwaare, aapuu akiwalar a? Ekedaran nakwaare, aapuu akiwalar a?”

Isa. 62:6

Okoe Yerusalem, ewuak ayoŋ ŋikererok narwatatain kon, nyililiŋete ikes naparan ka nakwaare. Iyes ŋikererok anarwatatain ŋulu inyarito Ekapolon, nyieŋut

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Yer. 26:2

tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yer. 31:6

Ebunit apaki ŋina eceluniata ŋiketeok etaun alokamukumukui a Epuraim ebasi, ‘Potu etipeiyosi Sion neni a Ekapolon Akuj yok,’

Yer. 6:27

“Yeremia, eketuruwo ayoŋ iyoŋ aneni a ŋituŋa kaŋ ŋolo ipedori akitojokun ka aliiun ŋituŋa kaŋ alopitesyo kec, ikotere nai iyoŋ iyenuni ka ikatakini akitojokun ŋuna iwuapito ikes.

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Abak. 2:1

Awoi ayoŋ eteu, adokari neni irereere eboikin nen, ido eteu eira ŋuna akalimokini Ekapolon ayoŋ eira ŋuna akaboŋokini iŋes ayoŋ alotooma akiŋuruŋura kaŋ.

Ŋitic. 20:20

Iyenete iyes atemar abu ayoŋ nyemunon idiobore ŋini eyai epoida aneni kus, abu okolimonok ka eketatamik anatukon ka alorerya kus.

Ŋitic. 5:20

“Toloto Kai ka Akuj, tolimokis ŋituŋa ŋakiro daadaŋ ŋuna ka akiyar a ŋina kitete a na, a ŋina ayau Yesu.”

1 Ŋikor. 11:23

Anerae abu ayoŋ ejau aneni ke Ekapolon ŋakiro nu ŋuna adau ayoŋ akikobakin iyes. Abu Ekapolon Yesu ataboŋ ŋina alukinere, tolemu amugati,

1 Ŋikor. 15:3

Abu ayoŋ mono ekobu neni kus ŋakiro ŋuna apolok, ŋuna abu ayoŋ ejau: Abu Kristo totwan aŋuna a ŋasecisya yok, ikwaŋina igiritere Nakigireta.

Ŋiep. 4:11

Iŋes ŋolo egiritae ebe, “Inak ŋainakineta lotuŋa”; abu inak ŋice aruwor ŋikiyakia, ŋice ŋikadwarak; ŋice aruwor ŋikalimonokinak, ŋice ŋikeyokok ŋulu a ŋatukon a Ŋikristo ka ŋiketatamak.

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.