Esek. 33:6 - Ebaibul

⁶ Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Esek. 33:6 Iomraidhean Croise

Akisy. 42:22

Kiŋit nai Ruben ikes tema, “Pa mono akalimokinit ayoŋ iyes akimyekin akitiya ŋuna aronok neni a edya a? Nai ipotu iyes nyipupokis ŋakiro kaŋ. Aŋun nai, adolu tokona akisicanio neni yok aŋuna a ŋaokot keŋ.”

Akisy. 9:5

Nai kire, ŋini ebukori ŋaokot kon, eŋisi ayoŋ ŋuna kebukorya. Eŋisi ayoŋ ŋun ŋolotyaŋ ka ŋinituŋanan. Eŋisi ayoŋ ituŋanan kirwor ŋuna kebukorya iŋes ŋaokot a ŋinice.

2 Sam. 4:11

Etya nai aronis itiyakinio neni a ŋulu aronok, a ŋulu aar ituŋanan ŋini emam ibore esecit, ituŋanan ŋini arae lokitaada kai keŋ a elope aperyo ai? Aŋuna tokona ibukoryata iyes ŋaokot keŋ a ŋakan kus, nyemaikina mono ayoŋ okoar iyes toŋopiyasi anakwap a?”

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Yer. 14:15

Aŋun irworo Ekapolon aŋuna a ŋikadwarak a ŋulu edwarete enyarito ekiro kaŋ atemar tari ŋina pa eyakitor ayoŋ ikes ŋulu ebasi, “Nyikiaryo a ekileŋ ka nyebuni eron nakwap na.” Earyo ŋikadwarak ŋul a ekileŋ ka etwakete aŋuna a eron.

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”