Esek. 33:27 - Ebaibul

²⁷ Tolimok ikes atemar alimu Ekapolon Akuj ebe, ‘Ikwapei kire jik ayarya ayoŋ, earyo a ekileŋ ŋituŋa ŋul ŋulu idoŋito nakiboisyo ŋuna emunaara ŋun, ido ŋulu iboiyete aneni nyerae sek ŋitaunio, emyekini ayoŋ ŋityaŋ ŋulu adedeŋak tonyama ikes, ani ŋulu iboiyete anaduketa a ŋuna egogoŋ ka anaturukanin, emyekini ayoŋ edeke toar ikes.

Esek. 33:27 Iomraidhean Croise

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Yer. 41:9

Arae akare ŋina emasakini Isimael ŋawat daadaŋ ŋuna a ŋikilyok a ŋulu abu iŋes toar, akare ŋina apolon, ŋina koloŋ keboki erwosit Asa aŋuna ka akiuryarya erwosit Baasa ŋolo a Isirael nyerem iŋes. Abu Isimael kilelebik akare ŋin ŋawat a ŋikilyok a ŋulu abu iŋes toar.

Yer. 42:22

Toyenete nai ejok atemar, itwakete iyes a ekileŋ, akoro ka a edeke anakibois a ŋina icamito iyes alosit akiboiyo.”

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 33:24

“Lokoku a ituŋanan, erubakinito ŋituŋa iboiyete anakiboisyo aŋuna emunaara anakwap a Isirael a ŋun ebasi, ‘Arae Aburaam ituŋanan ipei bon, ido aponi inakinae iŋes akwap ŋina abu toruwor ŋina keŋ. Nai ikilalak iwon, ikinakin kire jik iwon akwap na toruwor ŋina yok.’

Esek. 39:4

Itwanikini iyoŋ kidiama ŋikamukumukui ŋulu a Isirael, kaapei ka ŋasigarya kon daadaŋ ta ŋituŋa ŋulu irukito ka iyoŋ. Ekepotokini ayoŋ iyoŋ neni a ŋolokabila a ŋikeny a daadaŋ a ŋulu anyamak ŋituŋa; ekepotokini ayoŋ iyoŋ neni a ŋityaŋ a ŋulu ka ariet, ikotere itonyam iyoŋ.

Sepan. 1:2

Tema Ekapolon, “Amunyari ayoŋ ibore daadaŋ ŋini eyai nakwap.

Ŋikat. 6:2

Aŋuna aponiata Ŋimidian kisicana Ŋisirael nooi, apotu Ŋisirael toduko aŋuna kec ŋakiboisyo ŋunaŋopet lomoru, naturukanin ka toduko ŋaduketa ŋunajiet.

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.

1 Sam. 22:1

Torotok Daudi alo Gas, tosi naturukan ŋina ayai Adulam. Ani iirarete ŋikaitotoi keŋ ka ŋituŋa a ekal a papa keŋ atemar eyai Daudi nen, totiyaaros nen neni ayai iŋes.

1 Sam. 23:14

Torubak Daudi iboi anaguriguryo anaturukanin a ŋuna aya naloŋisat ŋina ka akwap a ŋina anyaritae Sip, a ŋina alalak ŋikamukumukui. Abu Saul tolomak akiwarit Daudi a ŋinakoloŋit, nai abu Akuj nyimyek Saul toryamu Daudi.

1 Sam. 24:3

Todolu Saul neni ayakasi ŋanokin a ŋamesekin ŋuna ayakasi epeiwae erot; tori Saul naturukan ŋina ayai nen akiŋarakin. Apaki ŋin, eboiyete Daudi ka ŋikajiok ŋulu arukitotor iŋes anaturukan a ŋin alotooma jik aneni alwanan.