Esek. 33:25 - Ebaibul

²⁵ Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Esek. 33:25 Iomraidhean Croise

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

Ŋikiru. 24:4

Erae ŋulu ejokak ŋiticisyo kec ka ŋulu iyookino alotai kec, erae ŋulu nyilipete neni a ŋakujo a ŋunacaryo, kori nyikoŋete anakiro aŋuna erae alyokonu.

Yer. 7:15

Ekeritari ayoŋ iyes ojoŋo akiterereŋ iyes, lopite ŋolo abunio eritarya ŋiyeneta kus daadaŋ ka ŋiletok a Epuraim daadaŋ.”

Yer. 7:21

“Irworo Ekapolon ŋolo a ŋajoresyo Akuj ŋina a Ŋisirael atemar kiyatakisi ŋainakineta kus namuronisya kus ka tonyama akiriŋ,

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:15

toŋer iŋes ŋamuja ŋuna enyamyo anamuroeta a ŋuna edukitoe lomoru, kori nyemitak ŋakiro a ŋakujo a Ŋisirael, kori nyitiya ŋadi ŋuna aronok naberu a ekidunyet keŋ,

Esek. 18:6

ani pa kenyami iŋes ŋamuja anamuroeta a ŋuna edukitoe lomoru, kori pa kemitakinit ŋakujo ŋuna a Ŋisirael, ani pa kitiyae iŋes ŋace ŋuna aronok naberu a ekidunyet keŋ, kori kiryamanakin ka aberu apaki ŋina eyakar lolap,

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 22:6

“‘Adaut ŋikarikok a Isirael daadaŋ ŋulu iboiyete alo Yerusalem akikinyom agogoŋu kec a ŋikulepek aarya ŋituŋa ŋuluce.

Esek. 22:9

Eyakasi tooma kon Yerusalem ŋituŋa ŋulu isudete ŋakiro neni a ŋuluce ikotere earyo ŋulu isudokinitae ŋakiro. Eyakasi tooma kon ŋituŋa ŋulu enyamete ŋamuronisya ŋuna eayeneneo nakiboisyo ŋunamukur ka itiyaete aleeco aneni kon.

Esek. 36:18

Aŋun, abu ayoŋ onyunyurikin ikes nooi, aŋuna a ŋituŋa a ŋulu apotu ikes toarakis nakwap kec ka aŋuna aŋakujo a ŋuna aponiata ikes tomunaaryata akwap kec.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Ŋilep. 19:26

“‘Nyinyama akiriŋ a ityaŋ, kori a ibarasit a ŋini nyeŋolitae toitasi ŋaokot. Nyemaikina iyes toruworos ŋimurok, kori ŋikekukujak.

Ŋilep. 3:17

Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Ŋilep. 7:20

Nai ituŋanan daadaŋ ŋini enyami akiriŋ ŋina ka ainakinet a ŋina ke ekisil ke Ekapolon, ido nyitaleunitoe iŋes, emaikina ituŋanan ŋin kiritarae alotuŋa keŋ.

Ŋilep. 7:21

Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”

Ŋitic. 15:29

itemokino iyes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao. Ani kicoikis iyes ŋun, itiyaete ejok. Ikianyun.”

Ŋitic. 21:25

Nai lotuŋa ŋulu nyerae Ŋiyudayan, ŋulu sek aris keruworosi ŋikanupak, ikiyakik isua ikes abaruwa alimokin ikes ebe aponi isua totyakunae atemar itemokino ikes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao.”

Ŋikis. 12:16

Nai nyemaikina iyes tonyama ŋaokot, tobukokisi ikes nalup ikwa ŋakipi.

Ŋikis. 12:23

Nai tocoito inyamete ŋaokot, anerae erae ŋaokot ibore ŋini kiteyari, akiyar, tosodi nyemaikina iyes tonyama ibore ŋini ikiteyari kaapei ka akiriŋ.

Ŋikis. 15:23

Nyemaikina nai iyes tonyama ŋaokot kec, tobukokisi nalup ikwa ŋakipi.

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.