Esek. 33:22 - Ebaibul

²² Eboŋ sek eriŋa nyedolo akoloŋit ŋina abunio ekasiiunan ŋol alo Yerusalem, aris ayoŋ kayenu atemar ayai Ekapolon neni kaŋ, aris Ekapolon keŋaa akituk kaŋ eriŋa ekasiiunan ŋol nyedoluno neni kaŋ, akoloŋit ŋinace taparacu. Aŋun, aŋaara akituk kaŋ, pa nabo ekepiyorit ayoŋ akirworo.

Esek. 33:22 Iomraidhean Croise

Esek. 1:3

abu akirot ke Ekapolon bu neni kaŋ a Esekiel a esacaradoti a ŋolo arae lokoku a Busi, eriŋa ayoŋ ayai Babilon diyete aŋolol Kebar. Abu ayoŋ oryamu apedor ŋina ka Akuj a nen.

Esek. 24:25

“Nai iyoŋ lokoku a ituŋanan, akoloŋit ŋina alemarya ayoŋ akibois kec ŋina eryamunitotor ikes agogoŋu, alelyanu kec ka apedor kec, akibois ŋina ebobokinit ikes akitere, ŋina iburit ŋitai kec; akoloŋit ŋina aarya ayoŋ ŋidwe kec ŋulusapa ka ŋulupesur,

Esek. 29:21

“Akoloŋit ŋin, eturuwori ayoŋ Ŋisirael ŋulu egogoŋ, ido akacamakini iyoŋ Esekiel kirwor ŋakiro aneni epedoryata ŋituŋa daadaŋ akiirar iyoŋ, ikotere ikes eyenunete atemar arae ayoŋ Ekapolon.”

Esek. 3:22

Abu apedor ŋina ke Ekapolon bu neni kaŋ aneni akatyakaritae, tema Ekapolon neni kaŋ, “Tonyou, ape totiyaar nakadipaalat, ido ekesirworik ayoŋ iyoŋ a nen.”

Esek. 33:23

Abu Ekapolon kirwor neni kaŋ tema,

Esek. 37:1

Abu apedor ŋina ke Ekapolon bu neni kaŋ, abu etau a Ekapolon okoya ayoŋ ekewuak kidiŋ akadipaalat; eleleba ŋakoyo nakadipaalat ŋin.

Esek. 40:1

Alokaru a ŋolo a ŋatomoniarei ka ŋikan eyakae isua nakwapin, torae apaki ŋin akisyakinet a ekaru a ŋol, ŋirwa a elap ŋitomon, toris ŋikaru ŋitomon ka ŋiomwon kelunyar ameun apaki ŋina enyasunere Yerusalem, abu apedor ŋina ke Ekapolon min neni kaŋ, okoyau ayoŋ neni sek ayai Akai ka Akuj.

Esek. 8:1

Ani edoli ekaru ŋolo a ŋikanikapei, elap ŋolo a ŋikanikapei, ŋirwa ke elap ŋikan, apaki ŋina eboiyo ayoŋ alokai kaŋ, kiboiyete ŋikasikou ŋulu a Yudaya alokiŋaren kaŋ, abu apedor ŋina ke Ekapolon Akuj bu neni kaŋ a nen.

Luk. 1:64

Anenipei tolacakin aŋajep a Sakariya, toŋaar etoil keŋ, togeu iŋes akipuro Akuj.

2 Ŋikor. 6:11

Ikirworo isua neni kus Ŋikorinto analacakina; ikisunyakinit isua iyes ŋakiro daadaŋ ŋuna alotai kosi.