Esek. 33:21 - Ebaibul

²¹ Alokaru a ŋolo a ŋitomon ka ŋiarei eyakae isua nakwapin ŋuna ikirikoritae, torae elap ŋolo a ŋitomon, ŋirwa ka elap ŋikan, abu ituŋanan ice ŋini kesiiuni alo Yerusalem bu neni kaŋ tema, “Amunaar etaun Yerusalem.”

Esek. 33:21 Iomraidhean Croise

2 Ŋirw. 25:10

Tolimok ekapolokiniton ŋasigarya ŋuna eyokiyete erwosit a Babilon ŋajorei keŋ daadaŋ akituwor arwatata a Yerusalem daadaŋ.

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Yer. 40:1

Kedau Nebusaradan ekapolokiniton a ŋasigarya a Babilon akimyekin Yeremia alosit alo Rama, anerae abu iŋes ya Yeremia eenen a ŋiriko kaapei ka ŋituŋa ŋulu arikoryo alo Yerusalem ka alo Yudaya daadaŋ, ŋulu arikoryo Babilon.

Esek. 1:2

Ani erae ŋirwa ke elap ŋikan, (alokaru a ŋolo a ŋikan akisyakin apaki ŋina arikorere Yeoiakin erwosit anakwap keŋ,)

Esek. 24:1

Alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon, abu Ekapolon kirwor neni kaŋ tema,

Esek. 24:2

“Lokoku a ituŋanan, kigir nakoloŋit na ŋirwa a akoloŋit ana, anerae adau erwosit a Babilon akirikaun Yerusalem akoloŋit na.

Esek. 31:1

Alokaru a ŋolo a ŋitomon ka epei, elap ŋolo a ŋiuni, ŋirwa ka elap epei, abu Ekapolon kirwor neni kaŋ tema,

Esek. 32:1

Alokaru a ŋolo a ŋitomon ka ŋiarei, elap ŋolo a ŋitomon ka ŋiarei, ŋirwa ka elap epei, abu Ekapolon kirwor neni kaŋ tema,

Esek. 32:17

Alokaru a ŋolo a ŋitomon ka ŋiarei, elap ŋolo ka epei, ŋirwa ka elap ŋitomon ka ŋikan, abu Ekapolon kirwor neni kaŋ tema,

Esek. 40:1

Alokaru a ŋolo a ŋatomoniarei ka ŋikan eyakae isua nakwapin, torae apaki ŋin akisyakinet a ekaru a ŋol, ŋirwa a elap ŋitomon, toris ŋikaru ŋitomon ka ŋiomwon kelunyar ameun apaki ŋina enyasunere Yerusalem, abu apedor ŋina ke Ekapolon min neni kaŋ, okoyau ayoŋ neni sek ayai Akai ka Akuj.