Esek. 33:14 - Ebaibul

¹⁴ Nabo, tari kalimokinit ayoŋ ŋulu aronok atemar etwakete kire jik ikes, ani ca keŋero ikes asecit kec, kitiyata ŋuna ecamakinitae ka ŋuna iyookino,

Esek. 33:14 Iomraidhean Croise

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 18:21

“Nai ani keesiki ituŋanan ŋini aronon akitiya aronis keŋ daadaŋ ŋina sek etiyat, ido kiwuap ŋuna alimokinit ayoŋ iŋes akiwuap ka ŋuna ecamakinito ŋikisila ka ŋuna iyookino, kire jik, eyari ituŋanan ŋin, nyetwani.

Esek. 18:27

Nabo ani keesiki ituŋanan ŋini aronon akitiya aronis keŋ ŋina sek etiyat, kitiya ŋuna ecamakinito ŋikisila ka ŋuna iyookino, eiuni ituŋanan ŋin akiyar keŋ.

Esek. 33:19

Ani keŋero ŋikaronok aronis kec, kitiya ŋuna ecamitae ka ŋuna iyookino, iteyaryo ikes aŋuna ka akiŋer aronis.

Esek. 33:8

Ani kalimok ayoŋ ŋulu itiyaete aronis ebe, ‘Okoe iyes ŋulu itiyaete aronis! Itwakete iyes kire jik,’ ido towou iyoŋ alimokin ikes akiŋer akiwuapit aronis kec, etwakete ŋikaronok ŋul aŋuna ka asecit kec, nai emarakini ayoŋ atwanare kec erae nakou kon.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.